 |
Numar
dal mźs |
|
|
Anade ( VIII
) n.
1 Zenār 2005 |
LADINS
dal FRIŪL
|
|
|
|
|
Periodic-mensīl di informazion e culture sul
cont de minorance celtiche |
|
dai Ladins de Furlanie.
Edizion
par cure da
l'associazion "CjargneCulture" |
|
|
|
|
|
|
|
Riflessions
par un an
gnūf ch'al sta scomenēant
Une fantasime e torzeone pal Ocident. Anzit une
sorte di salvan: il liberalisim cence
liberalisim. Inviulāt dal terorisim islamic e
dal tornā a cjapā pīt di une religjositāt
strumentāl parvie ch'e je leade a la lote
cuintri l'Islam dutis lis libertāts individuāls,
civīls, cuistadis tal timp dal Inluminisim, a
včgnin biel planc ridusudis fale une: la
libertāt economiche.
Ma chest al vūl dī tornā indaūr a la Ete di
Mieē, ma une Ete di Mieē degradade e savoltade
parcč ch'e je stade sauride cu la cuince
economiche de modernitāt. Tal mont
pre-industriāl lis libertāts individuāls a jerin
sacrificadis. Al jere il presit che si pajave a
la sacralitāt dai leams di famee, di parintāt,
di paīs, di corporazion, di grop. Vuź nō o
viodģn lā al mancul lis nestris libertāts
individuāls, civīls, cence dutcās jessi ripajāts
da un reāl infuartīsi dai leams e de
solidarietāt di grop. Parcč che nissun leam e
nissune solidarietāt e pņ esistisi se il
riferiment fondamentāl al va dilunc a jessi l'indiviadulisim
economic, lą che invezit te Ete di Mieē la
regule e jere la cooperazion, di mūt che ognidun,
artesan, paur e fintremai miedi o nodār, al ves
un so puest, sevi pūr piēul, tal so mont.
|
|
|
Ma and'č ancje di plui. Il grant inderedament
inviulāt de modernitāt, ch'al puarte cun sé
lis degerazions condurants de depression, de
nevrosi, de pierdite dal sens de vite, al
diven propit di chest mecanisim economic che
cu la sō curience e lis sōs dibisugnis dut al
inglobe e al fās disparī. Te Ete di Mieē,
invezit, l'economie, une volte siguradis lis
dibisugnis fondamentāls, e veve une
impuartance relative rispiet ai leams
esistenziāi. In plui, oltri a la mentalitāt de
majorance dai oms di chź ete che no rivavin a
capī ce sens ch'al podeve vź l'ingrumā
ricjecis su ricercjecis, spindģnt cussģ il ben
plui preseōs, il timp, par puartālis podaspņ
tal tombāl, e jere la religjon ch'e proviodeve
a cjonēā lis ongulis al profģt, al interčs e,
a l'usure e a l'aviditāt dal marcjadant vuź
diventāt imprendidōr, anzit, simpri di plui,
anonime e dominant imprese.
Te Ete di Mieē moderne chest mecanisim
economic, fondāt su la competizion paranoiche,
no dome al reste intąt ma al slargje fintremai
lis sōs pratesis su lis Nazions (viōt la vuere
a l'Iraq: plui di cent mīl muarts e il
sparniēament di un popul par caparāsi il
petroli) e sui oms obleāts, de globalizazion,
a lavorā simpri di plui par vź simpri di
mancul, in tiermins di timp e di capacitā di
podź comprā bens ch'e jere la sengule
consolazion a la pierdite de serenitāt ch'a
gjoldevin cuanche la societāt, preindustriāl,
e jere statiche e no dinamiche. Il folpeant
mecanisim economic modern al divente simpri
plui onipotent, intant che dutun in chel o lģn
pierdģnt lis libertāts modernis.
Magari cussģ no ancje il tornā a la
religjositāt al č sledrosāt. Plui che di
religjositāt si trate di faziositāt religjōse
di cuintriponi a l'Islam, di une religjositāt
cence Diu. Parcč che si sģn rindūts cont che
un mont vueit di valōrs come l'ocidentāl a la
fin nol pņ che pierdi cunt tun mont di valōrs,
come ch'al č chel maometan. Ma al č un
scombati par dibant, parcč nissun valōr si pņ
ricostruī atōrvie al marcjāt ch'al č sgambi di
ogjets inanimāts.
Dite sclete al č il trionf, a la sō ultine
trate, dal protestantesim ch'al veve fat de
ricjece il segn de gracie di Diu. Di un
protestantesim fūr dal vade, parvie che dal
rigōr morāl originari al ą pierdūt i trats
pusitīfs, ossei l'onestāt, la responsabilitāt
la semplicitāt e la scletece di vite, par
conservā dome chei intolerants e arogants.
Bon An Gnūf 2005 a ducj Vuātris! (tarvos)
|
|
|
Friūl : un popul, une tiere, une lenghe!
|
|
|
 |
|
Ladins dal
Friūl pag. 2 -
Zenār
2005
DAL TIMĀF A LA LIVENCE
|
|
|
|
 |
|
Culturalp
: progjets par valorizā Orias e Malborghč |
|
|
|
|
Malborghčt/Malborgeth/Naborjetu
- Al č avonde proviodibil che la sengule trate par salvā
la mont, intindude come ambient uman, come sorevivence
tes vals di personis ch'a sedin insedadis tal mūt di
vivi particulār, te lenghe, tes tradizions, ma ancje te
cunumie, e passe a traviers la "culture".
Impreteribii come la
fuarce di gravitāt, i mecanisims economics dal dģ di vuź
a dan il primāt a la planure, cun priontis variabilis di
un turisim fūr des regulis e par nuje rispietōs dai sīts
e des ints.
La culture, massime
se minoritarie, par parāsi, o miei par podź rigjavā dai
vantaēs dal business turistic, 'e ą bisugne di un
sostegn, e propit sun chest al sta lavorant il progčt
comunitari "Culturalp", smirāt a pupilāt e a
valorizā il teritori alpin, in particulār dal model
storic e dal sistem soci-economic des citāts e dai paīs,
e a la promozion di concretis pulitichis d'intervent,
sustignibilis e integradis tal rispiet dai diviers
contescj culturāi, storics, sociāi e economics. Une
cunvigne par dibati aspiets di cheste sorte, finanziade
dai fonts Interreg, si č davuelte di resģnt a Tumieē,
capolūc storic, culturāl e economic de mont furlan.
Oltri a sessions di lavōr, confronts e visitis, a son
stāts scrutināts doi progjets distināts al Friūl, curāts
dal Centri di catalogazion di Passarian e distināts a
Orias e a Malborghčt. Dōs realtāts dutcās cetant
diviersis, ma di frontā, secont chescj progjets, cun
metodologiis avuāls.
Orias al č un grop
di lūcs e di stāi parsore Dasajas, tal Cjanāl di San
Canzian, a circje mīl metris di cuote. Zą fa cent'agns,
cemūt che nus pant te sō guide de Cjargne il Marinelli,
a davin sotet in maniere permanent a paurs ch'a
arlevavin cetancj nemāi e ch'a coltivavin su la taviele
fintremai il sorturc. Vuź chei lūcs e chei stāi no
siervin dibot a nuje, senņ par cualchi cetant limitade
inziative turistiche. I fabricāts restāts chei di une
volte, si son par fuarce degradāts, ma chest in fons,
dal pont di viste architetonic al po jessi ancje un
vantaē. "Culturalp" al smire cussģ a recuperāju
in part par un ūs turistic, in part par adatāju tun
centri etnomuseāl, cu la colaborazion dutcās de
popolazion locāl. Chest ultin aspiet o crodģn ch'al sedi
fondamentāl, parcč ch'o vģn viodūts masse spiźi di
cheste sorte lāts po a finīle tun straēarie di bźēs
cence costrłt e cence nissun risultāt pratic pes
comunitāts interessadis. Cussģ dongje dal Centri di
catalogazion di Passarian, o voressģn che si zontąs la
Comunitāt di Mont de Cjargne e il cumun di Prāt
diretamentri interessāt.
La sielte di
Malborghčt, in Val Cjanāl, e divent invezit de
disastrōse diluvion ch'e ą savoltāt chest centri il mźs
di avost di zą fa doi agns. In chest cās si vūl ricercjā
une trate che permeti il recupar dai caratars
architetonics originaris. Dal moment che cuvierts e
sieraments tradizionāi a ąn un cost majōr di chei vuź
normalmentri in cumierē, si vūl justeapont intervignī
finanziariamentri par sustignī chest recupar dal aspiet
originari dal paīs, di olme tradizionāl carintiane par
chel che s'inten l'architeture rurāl. Ancje in chest cās
al sarą naturalmentri fondamentāl coinvolgi lis
instituzions locāls. Lis risultancis dai doi studis, al
č stāt sclarīt, a vignarąn presentadis tal istāt cu ven,
in mūt di podź jessi metudis dentri tal prossim document
preparatori regjonāl Docup.
"Culturalp",
oltri a studiā la definizion di sistems analitics cumuns
e prudelā pulitichis ativis par pupilā e valorizā i bens
culturāi dai sīts di mont, al davuelē un'opare di
catalogazion e rapresentazion cjartografiche (database,
sistem informatīf geografic, Gis) di components dal
patrimoni culturāl alpin. Ma sore il dut interessant o
crodģn ch'al sedi il fat che tra lis sōs smiris
principāls e sedi la realizazion, a traviers la
progjetazion partecipade, di un manuāl des regulis pal
recupar e la valorizazion corete dai spazis publics dai
insediaments storics, ch'al zovarą come supuart 'es
aministrazions cumunāls tal predisponi pulitichis
coretis di spilup dai insediaments storics ch'a cņlin
sot la propie jurisdizion.
Insomp di chescj biei projets nus tocje zontā
ancje cualchi obiezion: in Cjargne, tai agns passāts, si
č lassāt fā masse salvotaments ambientāi e
architetonics, a scomenēā dal so capolūc Tumieē. E ce
che plui al displās al č che i responsabii a son perīts
e architets che inmņ si svantin dai biei pastroēs ch'a
son stāts bogns di realizā. Naturalmentri i pulitics che
ju ąn lassāts fā ce ch'a ąn fat a ąn colpis grandis come
lis lōr, parcč i plans urbanistics ju ąn fats bogns lōr,
e parcč che simpri lōr si son fats dā i bźēs publics par
pajā chestis sacrileghis realizazions (vait a viodi par
crodi la glesie di Cjargne e lis peresons di Tumieē).
Marco Marra, sorestant cjargnel di "Italia Nostra", al
podarčs fā un libris gruźs come une bibie par contā
dutis chestis "bielis storiis" che par agns, dibat, si
sta sfladant a denunziā. Sperģn cumņ che chescj progčts
di "Culturalp" a rģvin a insegnā alc, ma sore il
dut a fānus gambiā strade sul cont dal recupar e de
valorizazion dal nestri preseōs patrimoni architetonic,
ma ancje a costruī in maniere divierse, e in armonie cul
ambient e la tradizion, il gnūf che si sta tirąnt su.
(renzo balzan)
|
|
|
|
|
|
|
Ladins dal
Friūl pag. 3 - Zenār
2005
|
|
|
|
CRONICHIS DI CHENTI
|
|
Screāt il Parc Sientific e Tecnologjic Furlan
|
|
Udin - Cu la benedizion dal vescul Pieri Brollo e la
presince di pulitics, ministradōrs, rapresentants des
gategoriis economichis e dal mont academic, ai 17 di
novembar stāt al č screāt a Udin il Parc sientific
tecnologjic furlan. Cheste cerimonie 'e ą di fat dāt
il vie a une disfide fondamentāl pal sistem economic
furlan ch'al podarą di cumņ indenant fā cont sul
trasferiment dai risultāts divignints da l'ativitāt di
ricercje davuelte tai laboratoris dal istčs Parc, e su
la nassince di gnovis impresis.
Tal gnūf Parc tecnologjic a inviarąn justeapont i lōr
prins pas cuindis gnovis aziendis, ch'a cuistarąn
concretece su la olme de ativitāt di ricercje davuelte
tai laboratoris universitaris. Iniziativis, chestis,
ch'a cjatarąn spazis e siervizis tal distrčt de
cognossince logāt alģ de Zone industriāl udinźs (Ziu).
Achģ a sarąn logāts ancje i sportźi da l'Universitāt,
de Cjamare di cumierē, de Assindustrie, de Agenzie pe
promozion de ricercje europeane e il Compart di Aree
sience park.
"O
stģn partģnt cul pīt just - al ą sigurāt il retōr dal
ateneu furlan professōr Furio Honsell - ancje s'al
sarą cetant di fā e di resonā o ai cetante fidance".
Il Parc, titulāt a Luīs Danieli e gjestīt dal Consorzi
Friūl inovazion, al diventarą "un model dentrivie di
une regjon model. Par jessi competitīfs a nivel globāl
- al ą sclarīt inmņ Honsell - bisugne che ducj i
teritoris a cjątin la propie vocazion". Cussģ ancje la
comunitāt furlane e je stade invidade a meti in vōre
lis sō funzions e lis sōs capacitāts te disfide che in
dģ di vuź o sģn clamāts a frontā, e propit par chestis
resons "il Parc al varą sucčs se dute la comunitāt
furlane lu sintarą come so".
 Cetant
determinade a "jemplā di progjets concrets la cjase
des ideiis" si č pandude Annachiara Danieli, clamade a
davuelgi l'incarghe di diretōr dal gnūf Parc, che
purpūr cjamade di ātris incombencis, 'e ą decidūt d'impegnāsi
par un an te iniziative a front di un vź di vź
simbolic. Tant ch'e ą daurman invidāt il president de
Provincie, Marzi di Strassolt, a colegā cun tun bus il
centri universitari dai Rģz cu la Ziu, e la Regjon a
favorī, a traviers l'instalazion des fibris otichis,
i colegaments vie internet.
"Te trate apene inviade - al ą sotlineāt il
president de Assindustrie furlane , Zuan Fantoni, l'impegn
des impresis al sarą fondamentāl ancje se risultāts
pusitīfs si ju podarą viodi in timps mezans e luncs".
"Fintremai cumņ il progjet al ą brusāt lis tapis" al ą
impen dģt il sindic di Udin, Segjo Cecotti. Che po al
ą inmņ zontāt: "In Italie a front di cetantis
aspirazions e mancje la capacitāt di fā sistem. In
chest contest il Parc al divente l'ecezion pusitive".
Cundifat Cecot al sa ben che "la grande scomesse si la
zujarą dentri i dīs agns ch'a vignarąn". Ma il prin
citadin dal capolūc de Furlanie al ą istčs fidance
parvie che "la prime part de disfide e je stade
vinēude in timps unevore curients". (mar.no.) |
|
|
|
|
Lis impresis a varąn di fā cont su l'inovazion
Udin - I imprendidōrs de Furlanie a varąn di zovāsi
des pussibilitāts ufiertis de funzion de cerniere
che davuelē la Regjon tai rivuarts dai Paīs dal Est
e des areis balcaniche e danubiane. Il zornalist,
Antonio Calabrņ, diretōr de agenzie di stampe ApCom
e zą diretōr editoriāl dal grop "Il Sole 24 Ore",
nol ą dubis sun chest cont: lis impresis furlanis a
varąn di lā oltri la cente locāl delocalizant no
dome lis produzions, ma ancje i lis savincis. Par
rivā a superā cence dans di sorte il passaē
generazionāl, invezit, a scugnin inviestī tai
distrets, tai consorzis e lā in Borse.
Tal so referāt su "Inovazion e competitivitāt
dal sistem" inlustrade a l'ocasion de scree dal Parc
sientific e tecnologjic furlan, Calabrņ al ą
insistūt sun tun pont: se il nestri Paīs nol metarą
in vōre inviestiments tal inovazion al diventarą "un
Grand hotel dulą che si fasarąn lis vacancis, ma
dulą che no contarģn dibot nuje parvie ch'o
diventarģn plui povars". Il pericul di discjadi, di
lā al mancul sul plan economic, al reste ancje parcč
che - al ą insistūt il zornalist - la leē
finanziarie e distine mancul dal 1 % dal prodot
interni lord a la ricercje. Une percentuāl cetant
plui basse dal 3% stabilīt dal pat pe incressite de
competitivitāt e dal svilup sotscrit a Lisbone. Dut
chest nol podarą che puartā ae discjadence de
struture publiche.
Plui confuartant e je impen la situazion par chel
che s'inten lis impresis dulą che Calabrņ al proviōt
il concretizāsi di diviersis areis di ecelence che,
dutcās, parvie de congiunture economiche a riscjin
di jessi metudis in discussion. "O vģn impresis
masse piēulis e cun pōcje predisposizion a fā
inovazion e a stā sui marcjāts forescj" al ą sclarīt
il zornalist, cjapant cussģ la dade par invidā ju
impredidōrs a vualmā la vie de Chine. "I chinźs, che
nus plasi o no, a cressģn, par contrastāju o scugnģn
stā sul marcjāt. E sun chest cont o sģn inmņ unevore
indaūr" al ą infin zontāt il diretōr de agenzie
ApCom, invidant lis impresis furlanis a cjalā viers
il jevāt come oportunitāt d'incressite, e no come
lūcs dulą che la man d'opare e coste di mancul.
|
|
|
|
|
|
|
|
|
Ladins dal
Friūl pag. 4 -Zenār
2005
|
|
|
CRONICHIS DI CHENTI
|
"Model economic Friūl" tra clārs e scūrs
|
Udin - Aziendis in dificultāt, impresis ch'a
puartin tal forest la lōr produzion, stabiliments
che, di une zornade a chź ātre, a mčtin in casse
integrazion centenārs di dipendents. E je cheste
orepresģnt la realtāt de cumunie furlane ch'e da
naturalmentri cetant di fastiliā. La mape de
situazion 'e da di viodi oltri vincjecuatri ponts
di crise in Friūl (12 impresis in provincie di
Udin, 4 in provincie di Gurize e 8 in provincie di
Pordenon, par un totāl di scuasit 1500 puescj di
lavōr a riscjo), dividūts in mamiere proporzionāl
fra ducj i setōr, de mecaniche a l'alimentār. Un
cuadri chest conseguent a la fotografie de
industrie regjonāl ch'e ven fūr dal rapuart 2003
prontāt par cure de Bancje d'Italie, ch'al meteve
in rilźf un marcāt sbassāsi des venditis (-3,4%)
rispiet al 2002) e un conseguent sbassāsi ancje
dai ordinatīf. Une crise struturāl, aduncje, ch'e
met in discussion l'intīr "model economic Friūl".
Epūr, simpri stant ai scandais, la nestre
Regjon, rispiet a chźs ātris, e cres di plui. Sun
chest cont al č resint il studi davuelt dal
Eurispes che, doprant l'Iser (indis di svilup
regjonāl), un gnūf indicadōr, al ą rielaborāt i
dāts macroeconomics su lis regjons italianis te
dade 1997/2002. Di cheste analise al ven fūr che
il Friūl al vuadagne in vivarositāt e al va a
metisi fra lis primis cinc regjons ch'a presentin
lis plui pusitivis condizions economichis di
incressite, scjavalcjant fintremai il Venit. Ancje
i dāts sul andament des esportazions riferīts al
prin semestri dal 2004 a dan di viodi un andament
in incressite ch'al ą puartāt a un aument dal
contribūt de Regjon a l'export nazionāl, contribūt
passāt dal 2,8% (riferīt ai prins sīs mźs dal
2003) al 3,2% de stesse dade di timp tal 2004.
La crise ch'o stin traviersant, in realtāt, e
je sevi congiunturāl che struturāl. Par chel che
s'inten l'aspiet congiunture, cierts segnāi di
riprese, purpūr debui, si scomencin a viodi,
mentri sul cont di chź struturāl, la soluzion e
presente aspiets plui comples e a domande plui
timp. Valadģ ch'al va ripensāt il model industriāl
ch'al scugnarą smirā no plui su la cuantitāt ma
su l'inovazion. Il setōr des manifaturis, in
particolār, al ą bisugne di une marcade inovazion
par podź cussģ recuperā competitivitāt.
Tantis des crisis in at orepresint a son
crisis ch'a madressevin bielzą di un pieē, grops
rivāts al pietin. Vuź il marcjāt si trasforme cun
tune velocitāt impensabil fintremai a zą fa
cualchi an e chest al domande une reazion
ancjetant curient de bande des aziendis e la
capacitāt di jessi bogns di antecipā i problems.
Il tiessūt imprenditoriāl dal Friūl al č
dutcās in podź di reagī. O varessģn di fastiliā se
no viodessģn a nassi nuje di gnūf, ma cussģ nol č.
Gnovis iniziativis imprenditoriāls, ancje in
setōrs tecnologjicamentri di avanguardie, and'č e
chest cence ātri al č un segnāl positīf, ch'al fās
justeapont ben sperā.
Ricercje e inonazion aduncje, come jevis
determinants pal svilup. Ricercje ch'e ą di siervī
a mejorā il prodņt e a recuperā cussģ la
competitivitāt. Un dai esemplis plui significants
sun chest cont al č chel rapresentāt des aziendis
ch'a produsin cjadreis tal triangul di Manzan, San
Zuan e Cuār di Rosacis. Chest compart, pūr in
fuarte soference, al presente numarōs cās di
aziendis in incressite. A son lis impresis che tai
agns passāts a ąn plui inviestīt, cirģnt di inovā
la lōr produzion o ben adatant il lōr prodņt 'es
mudadis esigjencis dal marcjāt.
Il vźr problem a son lis piēulis
impresis, chźs realtāts che, pe lōr dimension
ridote non son in podź di svilupā autonomamentri
programs di ricercje. Cuāle inalore la soluzion?
Chź di invojālis a indreēāsi ai Parcs sientifics
tecnologjics e ai Centris di ricercje atīfs sul
teritori, oltri che a prudelālis a associāsi, une
formule ch'e permčt di sostignī coscj che senņ a
saressin insopuartabii par une piēule realtāt.
Ocjāi di For di 'Sot a cuistin l'Oscar a Parģs
For di 'Sot - Target srl, une aziende dal setōr
dai ocjāi inviade zą fa un pōs di agns a For di 'Sot
cul intenzion di comercializā l'ocjāl Made in
Friūl, 'e ą otignūt la "nomination" al premi Silmo
d'Or 2004, a la Fiere di Parģs in France, une des
plui impuartantis mostris-cunvignis dal ocjāl in
cjamp mondiāl. Par chest ricognossiment grande
sodisfazion e je stade pandude dal majorent de
aziende, Loris Lozza.
Il brevčt, che si clame Double, al ą otignūt la
nomination sui 350 presentāts pe tecnologie
aplicade a la montadure. In pratiche no si viodin
plui lis cernieris graciis a dōs sustis insedadis
tal aste cun sun spinņt di aēār, ch'al permčt di
meti adun e di disfā l'ocjāl stes cun grande
facilitāt. No'nd'č aduncje plui bisugne di vīts di
strenzi par tignī saldis lis lints. In sumis une
inovazion cetant interessant, ch'e permetarą a
l'aziende cjargnele di restā sul marcjāt, di front
a une concorince ferbinte, in chest setōr, che
cumņ e rive sore il dut de Chine.
|
|
|
|
|
|
|
|
|
Ladins dal
Friūl pag. 5 - Zenār
2005
|
|
Documents su la "Cuestion
Furlane"
|
|
Letare davierte pai amīs furlans di Gurize e
Pordenon |
|
|
|
No'nd'č dubis di
sorte: daūr de manifestazion di Udin dai 13 di
novembar stāt il moviment che il Comitāt pa
l'autonomie dal Friūl al č rivāt meti dongje e a
saborā, al ą vūt un risalt cetant significant tra
lis fuarcis pulitichis. Dutun in chel al ą creāt
un marcāt interčs ancje fra lis categoriis sociāls,
economichis e industriāls. Al ą inviulāt un
dibatiment a voltis cetant apasionāt in grops
slargjāts dal mont culturāl. Al ą incressūt il
numar dai citadins che si son domandāts; ma ce
vuelino vź in fonz chescj autonomiscj furlans?
Cuāle čse la propueste ch'a stan puartant indenant?
Disino robis ch'a ąn mani opūr sono fūr dal vade?
Naturalmentri no son mancjāts chei ch'a ąn no dome
contestāt lis resons dal moviment, cuanche no lu
ąn fintremai discreditāt cun critichis prevignudis
e plenis di tristizie. Cundutachel, rispiet 'es
diviersis reazions, al č di crodi che ce che il
Comitāt pa l'autonomie al sta puartant indenant, e
chel ch'al podarą inmņ fā se i furlans simpri plui
numarōs lu sostegnarąn, al č stāt cence ātri di
zovament pe salūt decocratiche e pal sistem
culturāl e pulitic de Regjon.
Dutun in chel,
parātri, il Comitāt al ą di cirī di savź
interpretā un aspiet fondamentāl, ch'al ven
proponūt in maniere oneste sore il dut di chei
che, e a son la majorance, no ąn tal cjāf
cuestions di schierament (partitic) ma dome il ben
de Furlanie, intindūt come difese cence
compromissions des resons de nestre tiere e de
identitāt.
Ma l'interogatīf
ch'al č vuź plui momentōs tes realtāts furlanis "esternis"
di Gurize e di Pordenon, al rivuarde il fat che il
Comitāt al puedi vź smiris antistorichis parvie
ch'al prudele l'instituzion dal cussģ clamāt "Grant
Friūl" sot l'egemonie di Udin. Ossei ideis e
ambizions nostalgichis e regressivis, rispiet ai
grancj mudaments soci-culturāi vuź in at, ch'a
domandin justeapont une capacitāt di rispueste che
il moviment furlanist, intorteāt te sgjarpie dal
so sium impussibil inspirāt al mīt dal Patriacjāt
di Acuilee , nol sarčs in grād di ufrī. In prionte,
simpri secont l'opinion di cierts centris di podź
di Gurize e di Pordenon la propueste dai
furlaniscj, antistoriche e antiprogressiste come
ch'e je, e puartarčs al fruēonament dal implant
regjonāl, une realtā di par se stesse piēule e
aduncje seont il lōr pensā in piricul di socombi
rispiest 'es disfidis europeanis e globalistis. La
sostance di chest interogatīf al č l'aspiet
fondamentāl de interie "cuestion furlane" ch'e sta
tant animant vuź il dibatiment.
Si podarčs
rispuindi ai "cuintrifurlans" di Gurize e di
Pordenon, parcč sot di Triest sģ e sot di Udin no.
Ma nol č chest un mūt corčt e costrutīf di frontā
il problem. Nō ur domandģn ai amīs furlans di
Gurize e di Pordenon di rifleti sul fat che la
proponude instituzion de Semblee des Provinciis
furlanis, cul compit d'intervignī sui tems ch'a
interessin dut il teritori dal "Friūl Storic", 'e
ą il fin primari di riecuilibrā i rapuarts fra lis
dōs components de Regjon. Si po discuti se cheste
e sedi la soluzion plui juste, la plui adate e
valent e se impen al sedi miōr ricercjā soluzions
alternativis. Ma al reste dutcās il fat che la
propueste dal Comitāt pa l'autonomie 'e ą saborāt
un tem centrāl dal gnūf statūt, chel de arogance
instituzionāl dal aparāt burocratic regjonāl
controlāt dai triestins. Se si ritčn inadeguade la
propueste de Semblee, invezit di butā vie l'aghe
cun dut il frut, al sarčs plui util ricercjā e
proponi insiemit soluzions diviersis par fā in mūt
che nol diventi un "dogme" codificāt la condizion
di "sotanance" dal Friūl tai rivuarts di Triest e
par ricognossi ch'e esist une realtāt furlane, che
no je dome propiamentri lenghistiche, ma ancje
storiche, culturāl e sore il dut economiche.
A Gurize e
Pordenon no ąno mai rifletūt sul parcč che l'aparāt
burocratic regjonāl al sedi controlāt adimplen dai
triestins. Nissun nol met in discussion la
coretece di chescj majorents, ma al č naturāl che
lis condizions ambientāls a puąrtin a fā sieltis
che a la fin a finissin par privilegjā denant trat
ju interčs triestins. E no ąno inmņ rifletūt sul
parcč che pal fat di jessi capolūc, simpri a
Triest a scłgnin jessi concentradis lis struturis
ch'a furnissin i servizis par dut il teritori
regjonāl, cun disvantaēs ch'a son palźs,
disvantaēs divignints dal fat che la citāt di San
Just e je dal dut ecentriche rispiet al rest dal
teritori regjonāl.
Al č inmņ
dibat memoreā l'impuartance e il valōr de
informazion par orientā l'opinion publiche, creā
consens atōrvie des instituzions e ai sengui
progjets, formā l'opinion de int. Sun chest cont
si sa che i majorents regjonāi de Rai si sustin
cuanche si critiche l'olme triestinecentriche ch'a
dan a l'informazion regjonāl. Cundutachel al reste
il fat che no pierdin l'ocasion par dā di viodi la
lōr sfaēade parzialitāt, che a voltis e va oltri
lis notiziis de sclete croniche. Par esempli baste
dome memoreā cemūt che di setemanis in ca la Rai
regjonāl e meni la danze dal Expo, ch'al vignarą
realizāt a Triest, ma che seont lōr "al
interessarą e al puartarą vantaēs e innomine a
dute la Regjon".
Inalore amīs furlans di Gurize e di Pordenon,
smirā a la modifiche dal statūt par otignī il
ricognossiment de Semblee des provinciis furlanis
al č necessari pal ben di dut il Friūl, dal Timāf
a la Livence, di Latisane a Tarvis e a la Cjargne,
ma nol baste. E je rivade purpūr l'ore di meti su
la taule ancje la cuestion de organizazion
burocratiche regjonāl, par rindi la sō composizion
plui ecuilibrade. Par otignī un vźr decentrament
dai siervizis e des struturis di mūt ch'a sedin
plui facilmentri utilizadis dai citadins-utents,
sore il dut di chei ch'a loghin tes zonis
disvantazadis de nestre mont.
(la
redazion di "Ladins dal Friūl")
|
|
|
|
|
Ladins dal
Friūl pag. 6 - Zenār
2005 |
| |
DAI FATS E DE CULTURE
DES TIERIS LADINIS
|
| |
|
A vģncin a Glemone lis "Dolomiten Sagen" di Karl Felix Wolff
Glemone (Ud) - Sotsere
dai vot di dicembar stāt, te sale dal Consei a Palaē
Boton di Glemone, si son davueltis lis premiazion de
otave edizion dal concors leterari "Glemone: īr, vuź e
doman", chest an risiervāt 'es traduzions, ai progjets
didatics e 'es produzions metudis adun dai fruts di
scuele. Lis oparis presentadis a jerin sedis, mentri a
son stadis sīs lis scuelis ch'a ąn mandāt i lōr lavōrs
di dut il Friūl, cun centenārs di fruts impegnāts te
realizazion di percors, traduzions, zūcs. In sumis un
gruesse sodisfazion pal cumun di Glemone, ch'al scugne
jessi sore il dut agrāt a Toni Costantin, di simpri
animadōr e sustignidōr di chest impuart premi dediāt al
inlustri glemonąs pre Pieri Londar (Pieri Piēul).
Par chel che s'inten la sezion des traduzions la zurie, rezude di
Robert Jacovissi, pal prin premi 'e ą sielzūt il lavōr presentāt di
Renzo Balzan, diretōr e redatōr dal nestri sfuei. Balzan al ą voltāt
par ladin furlan dīs contis tiradis fūr des "Dolomiten Sagen" (Lejendis
des Dolomitis) di Karl Felix Wolff. Liendis ambientadis te Ladinie
Dolomitane che te lenghe furlane a ąn mantignūt dute la lōr
origjinalitāt e preseositāt.
|
|
Karl Felix Wolff : la passion pes lejendis dai
Ladins
K.F. Wolff al nas in Crauazie, a Karlsstad, ai 25 di mai
dal 1879 da Johann Wolff, uficiāl de artiljerie
austriache e di Lucille von Busetti, dissindint da une
nobil famee ch'e viveve in Sud Tirōl. Al veve cinc
fradis e da l'etāt di doi agns al vivč simpri a Bolsąn.
Il pari, studiōs di sociologie, si ocupą personalmentri
de sō instruzion gimnasiāl e a dome 18 agns Karl Felix
Wolff al scomenēą la profession di zornalist.
Al cjapą part a la
prime vuere mondiāl e cuant ch'al torną, prudelāt di
amīs archeoligs e germaniscj, al riprendč a studiā, ma
parvie des intrigōsis condizions economichis de famee
nol podč davuelzi studis regolārs. Cundutachel graciis a
des amistāts inteletuāls il passionāt autodidąt al podč
frecuentą seminaris specialistics a Berlin, Munic di
Bavarie, Viene imparant cun straordenarie facilitāt
l'art dal antropolig, ch'e diventą la reson de sō vite.
 La
sō curiositāt pes tradizions popolārs e jere nassude par
cās e nus č conte lui stčs: "Tal an 1887/88 mi soi
inmalāt par une lungje dade di timp e cussģ mź mari e
clamą une infermiere. E jere cheste une viele siore de
Val di Fiemme e la clamavin semplicementri "la viele
Lene". Jo no le ai mai plui tornade a viodi e o soi, tai
siei rivuarts, in vź di dā dal plui grant ringraciament
pal fat ch'e ą agīt in maniere determinant sul gno
svilup spirituāl, contanmi lis primis liendis. Cuanche
po tal 1903 o soi lāt a visitā la Val di Fiemme, mi
inmaginavi che ogni om al ves vūt di cognossi chźs
liendis. Ma al passą invezit cetant timp denant ch'o
rivąs a cjatā un vieli pastōr ch'al savčs alc sul cont
di chest proposit".
Al jere unevore
dificil che la int dal lūc e ricuardąs lis storiis e,
dutcās, lis cunsiderave di nissun valōr: chei stes che
ametevin di vźlis sintudis a fasevin i straneōs e no
vevin plasź di contālis. Al č pussibil che lis
dificultāts a vessģn infuartīt il so desideri di
ricercje e cussģ, propit tant che un ricercjadōr di aur,
il Wolff al scomenēą i siei luncs piligrinaēs a la
ricercje di chei pōs ch'a jerin inmņ disponibii a contā
lis liendis ch'a cognossevin.
Al scugnģ cjapā
cognossince des diviersis varietāts lenghistichis
presints sul teritori interessāt de ricercje, dai mūts
di dī, studiā lis tradizions, lis figuris arcaichis.
L'antropologie e la filologie lu sapontąrin tal frontā
chestis problematichis, che po a rapresentąrin il telār
dulą che il Wolff al podč tiessi e realizā la sō
preseōse opare di mestri di contā-artesan.
Al jere parātri
consapevul de "diviersitāt" dal sō contā scrit, rispiet
'es storiis ch'al veve sintūt a pandi e, rispuindģnt ai
siei critics, al scrivč: "O prei i letōrs di
considerā la mź opare par chel che vūl jessi; un
tentatīf di fā rivivi te sō plenece cualchi cjosse ch'e
je aromai disparide".
Lant daūr la glagn
dal contā "a vōs", Wolff al metč adun une rieste di
preseōsis informazions sul terirori dolomitan ch'al
publicą a part in saēs di caratar sientific e in guidis
turistichis. Oltri a l'innomenade ricolte "Dolomiten
Sagen" (ch'e cjape dentri uns otante liendis), e merte
memoreade ancje la sō "Monografie su lis stradis
dolomitanis".
Il fradi Richard,
pitōr, al cundividč cun lui la passion pal paesaē e dai
itineraris dolomitans, e insiemit a preparąrin une
ricolte des lejendis inlustrade che no cjatą, parātri,
tal chel timp, un editōr.
Tal 1957 l'Universitāt
di Innsbruck e conferģ a Wolff la medae d'onōr "Excellentis
in litteris", ricognossint il mert dai siei studis
etnologics e lenghistics su lis popolazions
reto-romanichis, ossei ladinis. Inmņ tal 1960 j fo
assegnāt a Bolsąn il premi leterari "Walter von
Vogelweide".
Al murģ a Bolsąn zą fa
trentevot agns, ai 25 di novembar dal 1966. (edelweiß)
|
|
| |
|
|
|
|
Ladins dal
Friūl pag. 7 -
Zenār 2005
|
|
TAI PRĀTS DE CULTURE FURLANE
|
E je
stade cjatade a Dieē la glesie plui antighe
|
|
|
Dieē di Tumieē - Lis
scuviertis fatis graciis ai sgjāfs archeologics davuelts
a Dieē, in cumun di Tumieē, scomenēāts tal 2002 par
volontāt dal Comitāt San Florian, a l'ocasion dal
diesim-setim centenari dal martiri dal sant di Lorch cu
la smire di ricercjā il procčs di cristianizazion e di
popolament de regjon de mont furlane te alte Ete di Mieē
e te ete feudāl, si son palesadis cussģ impuartantis di
diventā la reson ch'e permetarą di tornā a scrivi un
biel pōcjis di pagjinis de storie de Glesie in Friūl. La
considerazion e je stade fate dal arcivescul di Udin,
bons. Pieri Brollo, a l'ocasion de conference stampe
inmaneade de archeolighe Aurora Cagnana, majorent dal
ministeri dai Bens culturāi ch'e ą direzūt i sgjāf a
Dieē, par rindi public ce ch'al č stāt scuviert
justeapont tal sīt cjargnel.
Ma ce čsal stāt
scuviert di cussģ tant impuartant? Apene fūr dal paīs di
Dieē e je stade cjatade la glesie plui antighe de cuāl
al moment si vebi cognossince in dute l'Italie disore.
Infats, se fintremai a vuź lis raris testemoneancis di
struturis paleocristianis al ląvin indaūr al massim al
cuint secul d.d. Crist, l'antighe glesie di San Pauli,
a Dieē, tirade su in origin subģt fūr dal paīs, e je
risultade viere de fin dal cuart secul (337-441 d.d.
Crist).
A dā la conferme e
je stade la prove dal carboni 14 davuelte in Gjermanie
su tun bocon di matereāl carbonizāt ch'al č il rest de
cjalcine distudade doprade par costruī un vascje di un
metri par un che, forsit batisteri, o forsit relicujari,
e je stade cjatade sotvie de plante cuadrangulār di cent
e cincuante metris cuadris puartade a la lūs dai prins
sgjāfs, e ch'e faseve part ancje de glesie realizade
podaspņ tal secul diesim-tierē. Glesie ch'e je stade
slargjade tal 1476 e che, dutcās, e je stade fate daspņ
de impuartant Plźf di San Florian, logade sun tun cuel
sorevie dal paīs.
L'esam al carboni
14, aduncje, nol ą fat che confermā la pussibil presince,
pōc-su pōc-jł dal 380 d.d. Crist di lūcs di cult sui
teritoris plui periferics de regjon. Daūr dal Concei di
Acuilee dal 381 d.d. Crist, infats, vulūt dal vescul
Abrogio di Milan par disvinidrī l'arianesim, in Friūl e
vignģ puartade indenant une fuarte evanzelizazion tes
zonis rurāls.
|
|
|
|
A dālu di viodi, in prionte, e sarčs
la fieste di San Pauli che Dieē al onore di secui in ca la prime
domenie di avost e che corispuindarčs, secont il lunari pre-gregorian,
a la fondazion de glesie dai sants Pieri e Pauli a Rome. La fieste,
aduncje, e sarčs la testemoneance da l'antighe volontāt di Acuilee di
svizināsi a l'ortodossie di stamp roman.
Ma cemūt mai la glesie di San
Pauli vuź si cjatie tal mieē dal paīs di Dieē e no sul sīt originari?
"E vignģ spostade atōr dal an 1736 - 'e ą displeāt la dotore Cagnana -
par colpe dai seguitīfs slacs e cediments dal teren. Un problem ch'al
esisteve purpūr ai timps de presince de glesie plui antighe, valadģ
chź dal cuart secul, parvie ch'o vģn cjatāts, apene fūr de glesie, i
rescj di chź ch'e podeve jessi une murae di conteniment. O vģn ancje
cjatāt une pavimentazion esterne colegade a tre busis dulą che, si pņ
scrupulā, a jerin stāts mandāts ju i pāi ch'a rezevin un puarteāl di
len".
"La glesie - 'e ą inmņ zontāt l'archeolighe
- si presentave piēule, cun tune plante retangulār di circje cuarante
metris cuadrāts. Ma lis sopresis no son finidis: sotvie de vascje o
vģn cjatāt un paviment inmņ plui vieri, segn chest che l'antighe
glesie di San Pauli e jere stade tirade su parsorevie di un fabricāt
inmņ plui lontan tal timp.
La glesie, aduncje, realizade
viers il cuart secul d.d. Crist, e fo un lūc liturgic unevore
impuartant fintremai a la costruzion de Plźf di San Florian (che si
scrupule viere dal secul novesim), de cuāl e diventą po glesie filiāl.
Viers la mitāt dal secul diesim-otāf, infin, e vignģ sdrumade e
ricuvierte di tiere, par jessi podaspņ ricostruide te place dal paīs.
A memoreā l'antīc lūc di devozion, aduncje, fintremai a zą fa pōc timp
soterāt sotvie di un prāt, a jerin restadis une maine, liendis
tramandadis di von in nevōt e une sorte di rivuart devozionāl, forsit
masse ancje sintūt rispiet a la pōcje impuartance di chel sīt. Aspiets
chescj ch'a ąn saborāt la curiositāt dai archeoligs, ch'a ąn vude la
grande sodisfazion di puartā a la lūs une des testemoneancis plui
significants pe storie de cristianizazion dal intīr Friūl. (von
zercläre)
|
|
|
Il "Lunari di Dogne pal 2005" dediāt a li' feminis
Dogne
- Il "Lunari di Dogne pal 2005" chest an al č stāt dediāt
a li' feminis. Al ą justeapont come glagn ch'e ten adun i
dodis mźs il sot-titul: "Dogne, cui vōi da li' feminis".
Il Lunari al da vōs ai ricuarts des feminis di une volte,
feminis ch'a ąn savūt contā unevore ben i lōr pinsīr e lis
lōr esperiencis di vite. Di laudā ancje ducj chei ch'a ąn
prestāt a la redazion lis vieris fotografiis ch'a
inlustrin i dodis mźs. A scoltā lis feminis a son impen
ladis Elisa e Stafanis Cecon, ch'e je purpūr l'autore dai
tescj par furlan. Sfueant chest biel Lunari o vignģn
cussģ a savź ce ch'al sucedeve "cuant ch'al nasseve un
frut", opūr che "
insumiāsi che si lave tōr lens nol
puartave ben. E ben nol puartave nancje a insumiāsi di dā
di blanc, parvie che in curt a jerin dispietāsi malatiis
in famee".
|
|
|
|
Ladins dal
Friūl pag. 8 - Zenār
2005
|
SCRITŌRS E
LIBRIS
IN MARILENGHE |
|
|
La
varietāt dal furlan di For di 'Sora |
|
|
La varietāt furlane (cjargnele)
dal "fornčz", de alte val dal Tajament tai paīs di For
di 'Sora e For di 'Sot, si disferenzie di chźs ātris
feveladis de varietāt cjargnele par une rieste di
caratars particolārs, leāts ancje a la posizion
geografiche isolade insomp dal Cjanāl dal Tajament. Une
posizion strategiche zą in ete viere, parvie che il pas
de Maurie al rapresentave un passaē cetant impuartant de
viabilitāt antighe.
Lis vicendis dai
doi "vici" (paīs) intant vignūts su te valade a
semein un pōc a la volte slontanāsi de regjon cjargnele.
I prins documents (778) a mostrin cun clarece i doi Fors
tra lis possession de Badie di Siest, ch'e svantave
dentrivie dal Friūl la propietāt di slargjāts teritoris
e un podź temporāl secont dome a chel dal vescul di
Concuardie. Cjapāts dentri in ete patriarcjāl tal
Cuartīr di Soclźf, zą tal 1316 i cjscjźi di For di 'Sora
e For di 'Sot a cessin di fā part de comunitāt cjargnele
e a diventin feut de famee dai Savorgnans.
Di chel
moment s'infuartģs l'orientament viers la val de Plāf e
viers Vignesie.
Dut chest al displearčs zą in part la marcade
venetizazion di chestis varietāts lenghistichis ch'a
ocupin une posizion di cerniere tra Cjargne, Cjadovri e
Friūl Ocidentāl.
A cheste
varietāt cussģ particolār de lenghe furlane 'e ą dediāt
i siei studis, e la sō tese di lauree, la dotore
Rossella Fachin ch'e sta di cjase propit a For di 'Sora,
gnece dal mai dismenteāt mestri Romuald Fachin che tante
part al ą vūt tal animā lis ativitāts culturāls tal
cumun di Soclźf. La dotore Fachin justeapont oltri al
preseōs lavōr de lauree (R. Fachin, Vitalitą del
friulano a Forni di Sopra: risultati di un'inchiesta,
Tesi di laurea (inedita), Facoltą di Lingue e
Letterature Straniere dell'Universitą degli Studi di
Udine, relatore Piera Rizzolati, a.a. 2001-2002, pp.16-21),
'e ą publicāt cumņ di resģnt ancje un libri ch'al cjape
dentri lis "Aggiunte al Nuovo Pirona - Zona di Forni di
Sopra" (Societāt Filologjiche Furlane - Udin / 2004).
|
|
|
|
Te
jentrade di chest glossari l'autore nus displee che
ancje a For di 'Sora e, plui in gjenerāl in dute la
Cjargne, l'aree plui conservative dal Friūl sul plan
lenghistic, si marche vuź une seguitive discjadence dal
lengaē che si manifeste a traviers la dispariazion o tal
ūs simpri plui ristrčt e risiervāt a un numar limitāt di
personis, pal plui anzianis, dai trats lenghistics
particulārs des feveladis. Il passaē de societāt
contadine a chź industriāl e podaspņ la viertidure dal
paīs al turisim al ą puartāt a la disparizion di
numarōsis vōs tipichis e al insedāsi di lemis e prestits
lenghistics divignints dal model italian. Cundutachel l'origjinalitāt
lenghistiche de varietāt "fornčz" si po inmņ
preseāle, in particulār, tal fevelā dai anzians.
Chescj i fenomins plui significants dal "fornčz":
Sufģs masculins in āi dulą che par furlan a son in ār :
solāi - solār, siglāi - seglār, armāi
- armār; in éi : ciandiliéi - cjandelīr,
camariéi - camerīr, taiéi - taulīr; in ąri :
aniversąri, lunąri (in chest cās si trate di
prestits lessicāi ch'a divegnin dal furlan standard).
Sufģs feminģns in āra: pirāra - perarie,
manāra - manarie; in źra: glassźra - glacere,
scovassźra - scovacere; in iźra: cialdiźra
- cjaldereie. I nes aje - oje dal furlan fornčs si
realizin in aja - oja: pąja, pluņja, fuņja, sņja,
bajā. I nons masculins ch'a jessin in "u" di
derivazion venite: spčciu (spieli), chģstu
(chest). La conservazion dai nčs consonantics cun "l":
clār, flōr, glźsia.
Plui in gjenerāl il vocabolari fornčz al risulte povar
tal so comples, parvie ch'al riflet lis esigjencis (lessicāls)
di une societāt ch'e faseve cont in principalitāt su l'agriculture
e sul monteā, ativitāts vuź dal dibot dal dut disparidis
parvie che la principāl risorse economiche al č diventāt
il turisim. Cundutachel grant part dal lessic fornčz,
fondamentalmentri cumun a chel furlan, si propon metūt
adun da vōs latinis; no mancjin dutcā, olmis celtichis,
vōs grechis, prestits gjermanics e slāfs, inflłs
venits-cjadovrins (par efiet dal fat che i teritoris a
son cunfinants), ātris vōs forestis jentradis a traviers
ju emigrants tra '800 e '900, numarōs prestits italians
e naturalmentri i neologisims tecnics plui resģnts
creāts de dibisugne di esprimi concčts gnūfs.
|
|
|
La
schede:
R.
Fachin, Aggiunte al "Nuovo Pirona" - Vocabolario Friulano -
Zona di Forni di Sopra,
Ed. Societāt Filologjiche Furlane, Udin 2004, pp. 75 . |
|
|
Ladins dal Friūl
/ Diretōr responsabil : Renzo Balzan - Reg. Tribunāl
di Tumieē n. 123 dai 09.03.98 / Redazion :
33020 Tierē di Tumieē - V. Dandolo 16 /tel.
0433/43696 / e-mail:ladinsdalfriul @ tiscalinet.it /
F.I.P. (fotocopiāt in propi) c/o la redazion di
Tierē di Tumieē (Ud) pes Edizions "CjargneCulture"
Chest zornāl al ven spedīt 'es Bibliotechis, 'es
Instituzions Culturāls Ladinis, e a ducj chei che a
mąndin la lōr libare contribuzion doprant il C.C.
bancjari nr. 19162 dal Banco di Brescia (Filiāl di
Tumieē) - Coordinadis bancjariis : ABI 3500-CAB
64320, opūr doprant un valja puestāl e intestanlu
a : LADINS DAL
FRIŪL C/O Renzo Balzan, Strade Dandolo n. 16 -
33020 Tierē di Tumieē (Ud)
|
|
|
|
