Numar  dal mźs
Anade  ( XI ) n. 9 Setembar 2008

                 LADINS
                        dal FRIŪL

 

Periodic-mensīl  di  informazion  e culture  sul cont de  minorance celtiche
dai Ladins de Furlanie.  Edizion par cure  da l'associazion "CjargneCulture"

 

 

Mai sotans de Universitāt di Triest!

 
 

          Ve, e torne fūr la solite liende! Ogni volte che si presentin dificoltāts di finanziament de Universitāt taliane de bande dal stāt, inte nestre regjon la Universitāt dal Friūl e ven cjapade di smire dai “razionalizadōrs” des risorsis che si ąn a disposizion. Chescj, aduncje, a tornin a sotliniā cemūt che la nestre Universitāt e vebi metūts sł dai cors di lauree o fintremai interiis facoltāts che bielzą a esistin inte “cetant daprūf” sede triestine. Chescj cors e chestis facoltāts a van, partant, butāts jł.

    Po ben, di dīs agns in ca, i retōrs de nestre Universitāt a metin in rilźf, dāts ae man, il fuart sot-finanziament dal ateneu dal Friūl, ma un tant nol mōf i nestris sorestants politics a sostignī cun fuarce venti jł par Rome la dibisugne di un riecuilibri intai finanziaments che il stāt al trasferģn aes universitāts.

    Juste apont par chest, a ducj i furlans al č zovevul memoreā che: 1) Intai agns ’60 dal Nūf cent e je stade dineade la istituzion a Udin de facoltāt di Midisine. 2) Sul scomenēā dai agns ’70 Triest si č oponude ae istituzion a Udin di une sede distacade de Universitāt di Padue destinade a deventā in timps curts Universitāt autonome dal Friūl. 3) Subite daūr dal taramot dal 1976, cu la leē dal 1978, che č ą instituīt la Universitāt di Udin, Triest e ą otignūt par se impuartants institūts come la Aree di ricercje, la Scuele internazionāl di studis avanzāts (Sissa), il Coleē dal mont unīt e altri inmņ. 4) Pe “grande gjenerosetāt” palesade tal concedi la istituzion di un ateneu autonom in Friūl, a nivel regjonāl Triest, cās unic in Italie e ą imponūt ae Universitāt furlane un principi di no concorince a sens unic: nissun cors di lauree al veve di jessi instituīt a Udin cence l’ausvais preventīf dai sorestants academics triestins.   

Par chestis resons la facoltāt di Midisine e ą podūt sei inviade dome tal 1987; parimentri, cun cetant ritart, a son stāts instituīts la facoltāt di Economie, il cors di lauree in Matematiche, Inzegnerie mecaniche e altris impuartants cors.

 

Impen, purpūr in presince di ripetudis richiestis, no si č mai podūt inviā a Udin, pe ferbinte oposizion di Triest, un cors complet di Fisiche. Intai fats, aduncje, pai “razionalizadōrs” al risulte che la Universitāt dal Friūl e je scuasit dute un doplon di chź di Triest.

Vadģ che tocje cunvignī che la Universitāt di Udin e je la opare plui impuartante metude adun di simpri sul nestri teritori e e rapresente une realtāt che e je daūr a infuartīsi. Cussģ Triest al po dome tentā di slaifā il svilup e la seguitive afermazion metin in vore, vuź come za fa trente agns, un afanōs darpā politic. Intai agns ’70 il cercli di condizionament de Universitāt dal Friūl al jere chest: Universitāt di Triest -deputāts/senatōrs de Dc triestins - Dc nazionāl - deputāts/senatōrs de Dc furlans - zonte regjonāl Friūl-Vignesie Julie. Vuź, considerant come fasint part de midiesime strategjie l’atac puartāt ae nestre Universitāt inte ocasion des votazions dal comun di Udin e lis resintis cjapadis di posizion dai maiorents dal Pdl, si po suspietā une gnove strade, cetant plui personalizade, par fā discjadi la Universitāt dal Friūl: Universitāt di Triest - Antonione - Berlusconi - Saro - Tondo/Rosolen. Se lis cjossis a son pardabon cussģ, si po dī che inmņ une volte i politics furlans a livel nazionāl e regjonāl no fasin gran l’interčs di cui che ju ą elezūts, a e difindin denant trat la lōr posizion.

    Su chescj compuartaments al č ben che a rifletin cun grande atenzion i sorestants academics de nestre Universitāt denant di seondā la propueste fūr dal vade di une Fondazion universitarie regjonāl. In fats, no esistin dubis di sorte che si fasarčs valź la cundurant volontāt di stā parsore di Triest, cu la nestre Universitāt a fā la part de sotane.

    Par altris considerazions su chest teme o invidi i furlans a tornā a lei “La storie de Universitāt furlane” di Tarcīs Petracco.

 

(zuanpauli molinari - Soci fondadōr dal  “Comitāt pe Universitāt Furlane”)

La Universitāt di Udin e je patrimoni di dut il Friūl!

 
 

Ladins dal Friūl pag. 2  -                                                                   DAL  TIMĀF  A  LA  LIVENCE
 
 


 

 

 

 

 

E jere une volte la aghe ancje in Cjargne

Tumieē - Jets dai riui e dai flums ridusūts sicu disierts e paīs pustiēs in cuote, ma ancje progjets eco-compatibii di cicloviis e di economie atente al teritori.

    E je cheste une fotografie de realtāt de mont furlane secont un scandai davuelt par cont di Legheambient dal Friūl-V.J., une mont vadģ “di lūs e scūrs” cemūt che di resint le ą definide il president regjonāl de associazion, Zorē Cavallo, parie cun Marino Visintini (dal grup di Udin) e Marc Lepre (dal grup de Cjargne), inte dade de presentazion dai risultāts de iniziative “Caravane des Alps” che aromai di plusōrs agns in ca e da i vōts dai vizis e des virtūts des politichis sul cont de mont. La part scure? Chest an i č tocjade al paīs turistic in cuote che al č in progjet di jessi realizāt sul Ēoncolan: Legheambient e ą dāt la bandiere nere al comun di Sudri parcč che il consei al ą fate buine une variant urbanistiche che e proviōt la realizazion di 1650 puescj jet daprūf ae stazion dai implants di schi a 1350, metris di cuote. Lis motivazions a son facilis di induvinā: un savoltament dal ambient marcāt e une sielte in contrast cun chź cjapade denant trat de stesse aministrazion comunāl di sostegn al progjet dal albierc sparniēāt (albergo diffuso). Cence contā - a sotliniin inmņ i ambientaliscj - che secont un studi Osce inte nestre Regjon il 45 par cent dai centris pe pratiche dal schi in curt no podaran jessi doprāt co la cuonte de presince sigure di nźf, dilunc i mźs de vernade, e je daūr a alēāsi di almancul tresinte mestris.

    Bandiere verde, di agradiment, invezit pal progjet di piste pes bicicletis Alp-Adrie: la menzon di mert i č tocjade ae Provincie di Udin, al comun di Tarvis e ae Comunitāt di mont dal Glemonąs-Val Cjanāl-Cjanāl dal Fier, par vź progjetāt e inviāt la realizazion di un colegament tra il Friūl disore e la rźt des pistis pes bicicletis de Austrie e po dal Centri Europe, recuperant dutun in chel la viere, e storiche, trate de Ferade Pontebane. La piste pes bicicletis e partģs di Cocau/Goggau par rivā jł a Glemone e dentri il 2009 e sarą pronte almancul fintremai a Mueē.

    Chestis lis menzons principāls, ma Legheambient e ą volūt dā fūr altris dōs segnalazions: un positive e une negative. La prime i č tocjade ae aministrazion frazionāl di Pesariis, pe gjestion corete dai propis ben coletīfs e il svilup di une economie atente al patrimoni teritoriāl.

    La seconde le ą impen vude la politiche regjonāl sul cont dal ūs de aghe dai riui e dai flums pe produzion di corint eletriche. In chest cās no centrin diretementri lis zontis Illy e Tondo, ma l’implant burocratic dal palaē di Triest che di almancul cuindis agns in ca al da fūr concessions cun masse facilitāt, cence fā des valutazions coretis sui dams ambientai che chestis oparis a puedin compuartā. In sumis, lis centralinis idroeletrichis  a   son   masse   e  i    flums che a restin dispčs cence aghe a murin, cun problemis evidents peflore e pe faune, ma ancje gjeologjics e climatics.

    “Otante chilometris di jets di riui e di flums suts in Cjargne - al displee Franceschin Barazut dal Comitāt pe tutele des aghis dal Tiliment -. Setante presis de aghe. Dut chest, magari cussģ no, nol baste co si sta cirint aghis di podź cjapā, e sfrutā, simpri plui adalt. Lis zonis plui penalizadis a son la Cjargne e part de Val Cjanāl. E cumņ, cul progjet di costruī trź centralinis sul riul Cjarsņ, in chest disastri al jentre - a disin i ambientaliscj - ancje il Cjanāl di Incjaroi, o sei la zone di Paulār, che cussģ e varą bondance di corint ma e larą dilunc a vź pocje aghe pai siei acuedots.

    A dī la veretāt la leē e impon un limit a chescj ūs, tal sens che intai flums e riui e varčs di restā une cierte cuantitāt di aghe, il cussģ clamāt “minim deflłs vitāl”, ma nissun lu rispiete e nissun al controle che al vegni rispietāt. Che e sedi bisugne di energjie eletriche nissun lu dinee, ma al scugne pūr jessi un limit tal ūs di une risorse tant preseose, se no a paiā a son simpri i plui debui, e je simpri la mont, che ae fin e rimet dōs voltis e no ą nancje il vantaē di podź vź a un presint convenient la corint che la aghe dai siei riui e prodūs.

    Esemplār sun chest cont al č un libri curāt di Tite Lenna, e publicāt di resint de associazion CjargneCulture: “Minimo deflusso vitale dove sei? - L’alterazione del bacino idrografico dell’alto e medio Tagliamento, in seguito alle opere di derivazione attuate sul corso del fiume e dei suoi affluenti. Analisi cronologica dei provvedimenti legislativi volti a definire il riequilibrio idrologico ”. Croniche puntiliose di une devastazion ambientāl scomenēade cui progjets Sade intai agns 50 e po lade indenant cence che nissun al ves vūt cūr di oponisi, o scuasit. O memorein sun chest cont il fondamentāl libri-denunzie dal gjeolic Lucio Zanier “Fatti e misfatti / Sade-Enel in Carnia e forse una proposta di miglioramenti”, (Edizions Ribis / 1981).

    Une denunzie, a mūt so, la veve fate a so timp ancje il grant scritōr e poete cjargnel Siro Angeli (1913/1991) che nol veve dismenteāt cemūt che al jere il Tiliment, cussģ ric di aghe e di vite, intai agns che lui al jere stāt frut. Un marum e une delusion tal viodi il so flum ridot intun gravār che ju cjatin palesāts in poesie: “Un biel dģ ąn provāt/ a cambiā la sō strada/ par che, tirada sot/ das crodas dal Faeit,/ dentri una dopla gnot/ di tubos tal ziment,/ cu la sō fuarza e des/ lūs e cjalt che si vent;/ e, s’a no si scjafoia/ o si glazza dal freit,/ un pouc dopo Somblāt/ scuāsi a finis neada/ tal lāc fin a Dales/ par daventā, cul flāt/ ch’ai ląscin, una roia,/ s’al zova a l’intares”. No par un cās chestis rimis a jerin cjapadis dentri intune racolte che e veve par titul “L’aga dal Tajament”. Aghe che une volte in Cjargne e jere bondant e che cumņ no si viōt plui. (renzo balzan)
 

Ladins dal Friūl pag. 3  - 
 

CRONICHIS  DI  CHENTI  
 

 

 

 

Pordenon: il scandul dal consei cuintri furlan

 

  

Pordenon - I referents e i associāts al Comitāt pe autonomie e il rilanē dal Friūl (Circoscrizion dal Friūl di lą de aghe), sul cont de delibare, fate buine ai 7 di Lui 2008, dulą che al č scrit che il Comun di Pordenon al domandarą di jessi lassāt fūr de cente di aplicazion de leē di tutele de lenghe furlane, a pandi maravee e marum par chest at e pai mūts che al č stāt puartāt indenant, oltri che preocupazion pes conseguencis che, cheste sielte, e podarą vź su la coesion de Provincie, la funzion dal cjāf lūc e la colaborazion di ducj i doi inte Regjon Friūl-Vignesie Julie.

    La decision e je fūr dai semenāts, come che a ąn sostignūt i conseīrs che a vevin domandāt di spietā l'esist dal ricors in piis alģ de Cort costituzionāl e lis presumudis mendis che e intint realizā de gnove zonte regjonāl che a laran propit a gjavā, o a cangjā, chei impegns economics che a son in maniere palese ae fonde de decision prudelade dal sindic Bolzonello. Intune materie cussģ delicade, po, la mancjance di un slargjāt dibatiment e il mancjāt coinvolziment de popolazion e des components sociāls e culturāls, cui sengui passaē in comission e un consei tal zīr di une setemane, a dan di viodi dute la pocjece inteletuāl e a palesin la volontāt cundurant di decidi in cuatri e cuatri vot, cence lassā spazis di sorte e timps di reazion.

    Tal merit, cemūt che a ąn sotliniāt i conseīrs che si son oponūts e cierts rapresentants politics de citāt, Pordenon, che purpūr al ą dirit di riclamā e prudelā il propi patrimoni storic, culturāl e linguistic, nol po dismenteā gran di jessi il cjāf lūc di une provincie  pai doi tierēs furlanofone. La citāt stesse e ą fondis lidrīs furlanis, dulą che po daspņ si č insedade - cjapant la volte, nissun lu dinee e lu contraste - la component venite. E vīf ancje, inte citāt, une numerose comunitāt di lenghe e etnie furlane, che e concor cun chźs altris al svilup de stesse in ducj i cjamps e ae cuāl si vūl gjavā chel ricognossiment otignūt cun cetante fadie a livel nazionāl e regjonāl. Il “verboten” ae leē sul furlan a Pordenon al cjonce, cuntun sōl at di sproteē, tant lis lidrīs che i incalms vitāi pe citāt. Baste pensā ae funzion dai furlans intes professions, tal lavōr, inte economie, inte culture, intes istituzions, comprendūts zonte e consei comunāl (che nus perdonin chei che a vessin di jessi interessāts, ma il gram fenomen dal disparī de vite publiche, che a scugnivin paidī i nestris emigrants tal forest, o crodin ben che nol vebi piē sens tal bearē di cjase, ancje parcč che par jessi furlans no ’nd č nissune resons di scuindisi o ben di biadāsi, anzit).

    Par dut ce che al č stāt dite denant trat, il Comitāt pe autonomie e il rilanē dal Friūl - Circoscrizion dal Friūl di lą de aghe al marche cun grant displasź il risultāt dal vōt tal consei comunāl di Pordenon e si augure che in citāt, e par conseguence ancje in dute la provincie, si vierzi - si ben cun ritart - un confront slargjāt, pe definizion di soluzions condividudis pal svilup intune dal cjāf lūc e dal teritori provinciāl. Al contrari, la condurant volontāt di separazion di Pordenon e puartarą il Friūl di Bonāt a scugnī rifleti su la propie pueste/articolazion aministrative inte cente de Regjon par no scugnī viodi cjonēadis a sō volte lis propiis lidrīs.   (Lucio Roncali e Ubaldo Muzzatti - referents pal Friūl di Bonāt dal “Comitāt pe autonomie e il rilanē dal Friūl”)

Udinźs: la acuile di Bertrant
 e … il falcuē  di Tondo

Sante Marie di Sclaunic - Di agns aromai fra lis grandis bandieris blancjis e neris de curve nord dal Stadi Friūl a vegnin fūr bandieris cu la acuile di aur in cjamp turchin, parcč che la Udinźs e je sintude come un simbul dal Friūl no dome di ducj i tifōs furlans, ma ancje dai emigrants intai cinc continents e di chei che nus cjalis di fūr: che al plasi o ben no, il Friūl al č deventāt innomenāt in Europe e tal marimont parcč che la Udinźs e ą zuiāt in Cope Uefa e in Champion League.

    Pa dutis chestis resons un impuartant storic al ą proponūt, za fa cualchi an, che la acuile dal Patriarcje Bertrant, chź di aur in cjamp turchin che ducj a puedin amirā in origjināl tal Museu dal Dom di Udin,  e fos metude sł su la maie dai zuiadōrs de Udinźs, e in tancj a jerin contentons  cuant che si savč - vōs di coredōr - che chest an finalmentri, i zuiadōrs a varessin puartāt in cjamp il simbul e i colōrs de Patrie dal Friūl, no dome chei de citāt cjāf lūc.

    Cumņ o savģn che la acuile e sarą, ma no chź di Bertrant, ma ben invezit chź di… Tondo.

    E je dal president in fats la biele pensade di fā meti sł su lis mais de Udinźs la acuile (e semee a dī il vźr un sclagn falcuē) de Regjon Friūl-Vignesie Julie, che e rapresente ancje Triest, dulą che no dovaressin sei cui sa cetancj tifōs de Udinźs, e mancul māl che si trate di un furlan.

    O vorčs dut cās sugjerī ai Udinźs Club e a ducj chei che daprūf dal Stadi, no dal sigūr par une cumbinazion clamāt Friūl, a vendin bandieris blancjis e neris, di meti dentri in biele viste e intun cjanton o tal mieē la acuile di Bertrant. (gjeremie gomboso)

Ladins dal Friūl pag. 4 
 

LETARIS DE FURLANIE  
 

 

 

 

 

Sostignī cun condurance la difese dal Ateneu dal Friūl


 


Udin - La Universitāt di Udin e je tant il cjāf che la bandiere dal Friūl e i furlans a scugnin difindile come tāl sevi viers di Rome che viers di Triest.

    A ąn di fālu intune e cun ferbinte decision no par esagjerāt e fūr di puest spirt patriotic furlanist. La leē istitutive de nestre Universitāt, in fats, - la prime leē nazionāl pe ricostruzion dal Friūl taramotāt tal mźs di Avost dal 1977 - al articul 26 e stabilģs che la “Universitāt di Udin e ą il fin primari di contribuī al progrčs civīl, sociāl e ae rinassite economiche dal Friūl e di deventā organic strument di svilup e di rinovament des jonis origjināls de culture, de lenghe, des tradizions e de storie dal Friūl”.

    Nissune Universitāt taliane e je cussģ leade par leē al propi teritori, come chź di Udin. E cussģ intai fats e sta juste apont fasint. Vignude sł su lis maseriis dal taramot, cu la firme di 125 mil furlans che le ąn volude e la poie dai parlamentārs furlans di chź volte, in chescj trente agns si č vignude cualificant sevi sul plan nazionāl che al servizi dal intīr Friūl, di Udin, a Gurize, a Pordenon. E je deventade farie di formazion universitarie e professionāl par miārs e miārs di zovins furlans, e ą promovūt e e cjape part in parcs e sedis sientifichis ae inovazion tecnologjiche e ae incressite competitive dal nestri sisteme produtīf tant industriāl che agricul.

    I atacs divignintti di Rome e di Triest aes sōs disponibilitāts finanziariis, come ae sō autonomie e ae identitāt furlane, a traviers la propueste di une Fondazion universitarie come prin pas viers la creazion di une uniche “Universitāt regjonāl dal Friūl-Vignesie Julie”, a van impreteribilmentri slaifāts cu la massime decision.

    O sin de opinion che al sedi dovź, prime di dut dai politics furlans di ogni part e colōr, di dāsi di fā in Parlament, in Consei regjonāl, intes Provinciis e intai Comuns, ma ancje des associazions culturāls, imprenditoriāls e sindacāls dal Friūl intīr par no fāsi compliēs di cui che al vūl scancelā lis concuistis popolārs dal resint passāt. Sostignī la difese dal Ateneu dal Friūl, la sō autonomie, la sō indipendence a son smiris di fonde leadis al a vignī de nestre tiere e des nestris ints. (Comitāt pe autonomie e il rilanē dal Friūl)

 
 

Chei cuatri gjats di furlaniscj

Udin - Dut si po dī, ma no che il president Tondo nol sedi conseguent, almancul sul cont dal argoment autonomisim. Cun clarece al ą simpri ripetūt che no i crōt gran, che lu calcole, cuant che indi fevele cun benvolence, une ereditāt dal passāt o, piźs inmņ, la politiche di “cuatri gjats furlaniscj”. Un concet sotliniāt plui voltis denant e daspņ de campagne pes votazions e confermāt, in timps no suspiets, a une cunvigne inmaneade dal circul Liberal di Tisane a Muēane. Denant di une platee amie no si tirą indaūr tal declarā che dome une politiche regjonāl unitarie e varčs permetūt di frontā i problemis dal Friūl e che, in maniere ogjetive, nol viodeve un avantazāmint a pro di Triest: “Al plui - al veve declarāt - si tratave di un scuilibri par vie de arogance dal podź de bande dal governadōr Illy”. Jessint la cunvigne organizade in pratiche di Fuarce Italie, propite su la pierdite di pźs des provinciis furlanis intai rivuarts de citāt juliane, il compuartament di Tondo al fasč sustā Ferruccio Saro e al inviulą l’inderedāmint, se no il fastidi, di Adriano Biasutti che chź analisi impen al sostignive.

    A distance di uns doi agns bisugne ricognossi che Tondo al ą vinēūt e Saro pierdūt, almancul sul cont dal compuartament e des declarazions che a viodin in bal cuestions rivuardantti i rapuarts tra lis dōs entitāts regjonāls.

    L'onorevul di Martigną, che al jere rivāt fintremai ai manifescj par domandā la division de Regjon, che al jere stāt presint a une cunvigne a Udin inmaneade dal Comitāt pe difese dal Friūl, anzit si jere metūt in mostre sot la Loze dal Lionello, dongje di Baracźt, Strassolt e Cecot, a bot e sclop al ą scomenēāt a zirucā metintsi a atacā la gjestion Honsell de Universitāt e po tirant fūr de sō cane une presumude fondazion che e varčs di cjatā la fate ai problemis dal ateneu.

    L’esponent  de Pdl al sa benon di tocjā un pont cetant sensibil dal anim dai Furlans, co la Universitāt e je come la Udinźs, un afār di cūr. Cundut achel no si ferme, vierzint la strade a declarazions come chźs ripuartadis inte interviste al Gazetin dal assessōr regjonāl triestin Rosolen. L’esempli vūt iniment de maiorent dal guvier regjonāl nol lasse dubis: “Parcč si aial di spindi bźēs pe biblioteche de facoltāt di Jurisprudence di Udin, co a cincuante chilometris a ’nd č une altre facoltāt, plui impuartante dulą destināju?”.

    Juste apont, parcč no stralozā ancje dute la Universitāt dal Friūl, par evitā chei doplons che indi fevelin di cincuante agns in ca. (dree valcic)

Ladins dal Friūl pag. 5  -                                                                                                                                   DOCUMENTS  
 

 

 
   

Lenghe furlane a scuele … o fūr de scuele?

Udin - In curt a tornaran a vierzisi lis scuelis ancje in Friūl. A chest pont si scugne domandāsi inmņ une volte se la lenghe furlane e restarą dentri o fūr de puarte. Cemūt che ducj sa la gnove leē regjonāl di tutele de marilenghe (la L.R. 29/2007) e je stade refudade dal guvier di Rome, e puartade in judizi denant de Cort Costituzionāl, soredut par vie dai passaēs che a rivuardin l'insegnament dal furlan intes scuelis dal oblic. A chest pont, cu lis scuelis che a tornin a vierzisi, si č inte plui grande inciertece. Altri aspiet, che al pese in maniere negative, al rivuarde i tais ai finanziaments destināts ae Publiche Istruzion. Al č evident che par inviā l'insegnament dal furlan a coventin docents, e aduncje a coventin ancje i bźēs par paiāju. Di Rome al č dibant spietāsi jutoris, anzit! Vadģ che dute cheste cuestion e je intes mans de Regjon, che in fin dai conts e je inmņ autonome, e aduncje e po cjapā la iniziative par cjatā la fate a chest berdei. Vedarģn! Intant sun chest probleme us proponin un contribūt di Eraldo Sgubin, vignūt fūr sul Messaggero dai 6 di Jugn stāt. (red.

    Dutun cu la discussion in sede regjonāl de leē di tutele dal furlan, intai mźs passāts si ą vūt su la stampe un dibatiment cetant vivarōs pro e soredut cuintri la prospetive de jentrade de marilenghe inte scuele. Al jere evident che il davuelziment de campagne eletorāl par rinovā il consei regjonāl, oltri che pe nomine dal Parlament nazionāl, e ves podūt vź dai riflčs sui aspiets de polemiche tra i doi schiriaments politics, un favorevul e chel altri critic se no fintremai contrari a cierts contignūts de leē in discussion.

    E jere dabon cheste une situazion che e podeve creā eventualmentri problemis di orientament in cetancj furlans gjenitōrs di arlźf in etāt di lā a scuele, massime cuant che e je vignude fūr la notizie che la leē regjonāl a pene fate buine e jere stade impugnade dal guvier in cjame. Cetancj no savevin nancje che la Regjon e ves burīt fūr une leē che e proviodeve di regolamentā la pratiche realizazion sul teritori de leē statāl 482/99, che e jere e e je restade la leē di riferiment sul cont de tutele des minorancis linguistichis, e tra chestis ancje il furlan e il sloven. Cheste leē e ą dāt al furlan une sigure dignitāt di lenghe e une no discutibil costituzionalitāt e partant e je stade a dilunc spietade in Friūl.

    Daspņ un “iter” parlamentār lunc e tormentāt, la Cjamare dai deputāts e il Senāt de republiche a ąn fat bon il proviodiment, che il president de republiche al ą po daspņ sotscrit ai 15 di Dicembar dal 1999. Si trate juste apont des “Normis in materie di tutele des minorancis linguistichis storichis”. L’articul 2 de leē al proviōt che: “Juste pe metude in vore dal articul 6 de Costituzion e in armonie cui principis gjenerāi proviodūts dai organisims europeans e internazionāi, la Republiche e tutele la lenghe e la culture des popolazions albanesis, catalanis, gjermanichis, greghis, slovenis e cravuatis, e di chźs che a fevelin il francźs, il franc-provenēāl, il furlan, il ladin, l’ocitan e il sart”.

    Cheste leē e ą metūt un slaif ae discussion tra lenghe e dialet e e ą sigurāt al furlan la dignitāt linguistiche cuistade su la fonde di un patrimoni leterari e culturāl di etis e une significative presince sul teritori regjonāl, e ancje in ducj i sīt dal marimont dulą che a vivin comunitāts di nestris emigrants. Di cumņ indenant i insegnants furlans che indi son convints cultōrs e che dut cās le ąn bielzą insegnade, come volontaris, a puedin jentrā a scuele a cjāf alt parcč che ai sens dal articul 4, “ intes scuelis maternis dai comuns vūts iniment tal articul 3 la educazion linguistiche e proviōt, dongje dal ūs de lenghe taliane, ancje l’ūs de lenghe de minorance pal davuelziment des ativitāts educativis”. Inmņ, intes scuelis elementārs e intes scuelis secondariis di prin grāt al č proviodūt l’ūs ancje de lenghe di minorance come instrument di insegnament.

    Lis normis de leē non ąn naturalmentri caratar di oblic parcč che no imponin, ma a permetin di studiā la marilenghe e a rispietin prime di dut lis decisions dai gjenitōrs; in fats ai sens dal 5° come dal mutivāt articul 4 “al moment de preiscrizion i gjenitōrs a comunichin ae istituzion scolastiche interessade se a intindin zovāsi pai propis fiis dal insegnament de lenghe de minorance. I dāts dal ufizi scolastic regjonāl su la adesion dai arlźfs des scuelis maternis, elementārs e mezanis al insegnament de lenghe furlane a son stāts plui che positīfs: il 38% dai gnūfs iscrits in provincie di Gurize, il 33 in chź di Pordenon, il 70 in chź di Udin. Lis preiscrizions pal 2008-2009 a dan di viodi, aduncje, che a ’nd č une fuarte domande di insegnament de marilenghe in dute la Furlanie.

    Al evident che lis leēs sevi regjonāls sevi nazionāls a son impuartantis, ma no bastin di bessolis par dā une gnove fuarce a une lenghe e a une culture. Parcč che un tant al sucedi bisugne che i gjenitōrs, tant che personis maduris che a fevelin intai cjamps, intes oficinis, intai uficis, intai tribunāi, che la doprin sui gjornāi e intai mass-media, a savedin trasmeti ai lōr fiis l’interčs e l’amōr pe marilenghe e che la scuele e sepi fā cun impegn e convinzion la sō part. Al č tant impuartant, in fats, che mestris e professōrs a considerin ancje il furlan une lenghe vive, che e spiele la storie passade de nestre int, ma che e sedi ancje pronte a ricevi lis peraulis che a mostrin lis gnovis realtāts de societāt di cumņ e che partant a sedin disponūts a doprā la sō cognossince de bande dai arlźfs come prionte di istrument didatic. Cumņ l’an scolastic al sta par rivā insom, ma tal prossim an (chel che al scomence ae mitāt chest mźs di Setembar n.d.r.) al vignarą inviāt uficialmentri intes scuelis l’insegnament dal furlan e chest al compuartarą un significant impegn didatic, sevi organizatīf che par fā imparā e preseā dai arlźfs la clarece, la vualivece e la musicalitāt de marilenghe che, ancje sot l’aspiet cronologjic e lessicāl, e je la testemoneance de storie de nestre int. (eraldo sgubin)            

     “Cui che al bandone la sō lenghe par amōr di un’altre al mostre di no savź ce che e je la lenghe e di doprāle come che un dalmenār al dopre il manarin. E se une mari o un mestri a cirin di distudā la lenghe naturāl di un frut, a tradissin il so spirt e i robin la plene forme di espression. Fintremai cumņ la scuele e ą fate simpri cheste biele vore; e il risultāt al č che la plui part di noaltris no si sa plui ben il furlan e no si sa avonde il talian.” (josef marchet - Ce Fastu? / A. XXVII -XXVIII, 1951 - 1952)

 

Ladins dal Friūl pag. 6  

TAI PRĀTS DE CULTURE DE TIERIS LADINIS :        

Elsa Zardini e je la gnove deane de Union Generela

Anpezo (Bl) - La Union Generela di Ladins dla Dolomites e ą un gnūf dean, anzit une gnove deane, si trate di Elsa Zardini di Anpezo, che e ą cjapāt la volte a Michil Costa, che al ą molāt la incarghe par vie che al sarą candidāt, inte liste dai Verts, aes votazions provinciāls di Bolzan/Bozen dal mźs di Otubar cu ven. O ripuartin culģ sot vie la interviste ae gnove deane, davuelte di David Lardschneider e vignude fūr su “La Usc di Ladins”.

D. Elsa Zardini, la politiche ae vūt conseguencis intai cambiaments che si son vūts inte  Union Generela, che par statūt e je apartitiche. Ce pensie di cheste situazion? Ce rapuart varźso cui partīts?

R. La Generela e je e e varą di restā une instituzion apartitiche. Michil  Costa, in maniere corete al ą lassade la sō incarghe tal moment che al ą cuistāt un impegn politic. Jo personalmentri no ai nuie a cefā cui partīts, i pensi dome cul cūr pal ben de comunitāt ladine.

D. Cuāl isal l’impegn pe culture ladine che e intint puartā indenant?

R. O doi une grande impuartance ae culture e ae lenghe ladine, par chescj valōrs o intint dedicā il massim impegn cun ogni mieē disponibil di mūt che a puedin, no dome sorevivi, ma ancje incressi e sei valorizāts simpri di plui.

D. Dut cās no si po dineā che il vōt favorevul tal

referendum dulą che Anpezo, Col e Fodom a ąn domandāt di tornā a fā part de Provincie di Bolzan e dal Tirōl storic, al ą rindūt pussibil une presidence anpezane de Union Generela?

R. Dal sigūr a Anpezo cheste incarghe e je stade saludade cun cetante sodisfazion. Naturalmentri e je ancje un segnāl significant pe Union Generela de volontāt di impegnāsi cun ducj i mieēs e in dutis lis formis par rivā a unī simpri di plui ducj i ladins.

D. La regjon ladine dolomitane e je une, ma cun grandis difarencis tra lis trź provinciis. Saraie buine di tignī cont di chestis diferencis?

R. Nō o vivin intune realtāt dulą che lis difarencis, tra une instituzion publiche e chź altre, a son pardabon grandis. Sun chest cont mi impegnarai parcč che chestis diferencis a vegni superadis inte maniere plui juste pal ben di ducj.

D. Cemūt puartaraie indenant il lavōr de Generela, sevi come programazion des ativitāts sevi par chel che al inten la assegnazion des incarghis?

R. Lis ativitāts de Generela a vignaran concuardadis e programadis parie cul consei. Il stes discors al vāl pe assegnazion des incarghis.

D. Cui ise in realtāt Elsa Zardini, cemūt viodie se stesse?

R. O soi semplicementri une ladine che i vūl ben ae sō tiere, ae sō culture e ae sō storie. (da.la.)

 

Publicāt un gnūf numar de riviste “Ladin!”

Borca di Cjadovri (Bl) - Di resint al č jessūt un gnūf numar de riviste “Ladins!” (Anade V - nr.1 Jugn 2005) publicade par cure dal Istitūt Ladin de la Dolomites di Borca di Cjadovri. Si trate, cemūt che al displee inte jentrade il diretōr de riviste (ma al č ancje diretōr dal Istitūt Ladin) Ernesto Majoni, de otave publicazion di cuant che chest imprest di comunicazion ladin al ą scomenēāt a vignī fūr inte sierade dal 2004, cuntun preseament simpri plui cressint.

    Par chel che al inten cheste numar, si vierē cun trź contribūts sientifics-culturāi di sigūr interčs. Tal prin, la dotore Laura Vanelli (che in Friūl o cognossin pulīt par vie che e opare ancje inte nestre Universitāt) e ilustre la formazion dal plurāl dai sostantīfs e dai adietīfs inte variant de lenghe ladine di Anpezo. Tal secont, impen, il psicoantropolic veronźs Alessandro Norsa al presente il risultāt de ricercje su lis antighis tradizions de vee dal Sants in Val Boite. Il tierē, in fin, al ricuarde che il vocabolari anpezan di Angelo Majoni, tal Autun cu ven al rivarą a vź otante agns.

    Par cui che al presee la leterature, in chest numar al cjatarą inmņ contis, poesiis e teatri par agordin, cjadovrin, comelean e zoldan. Fra lis “Fregores de cultura”, a cjatin invezit puest une note su la opare inviade sul cont de racolte di toponomastiche dai Comuns di San Vito (San Vido), Borca (Borcia) e Vodo (Guodo); la prime pontade di un studi su la vignude de Rai a Agordo e la rifierte de ativitāt davuelte tal passāt 2007 de Union Ladin de Oltach.

    Cun riferiment ae editorie, chest numar al cjape dentri recensions che a dan di viodi la costant vivarositāt publicistiche locāl, par ladin e par talian. A son recensīts lavōrs che a rivuardin dutis lis areis de provincie di Belun, di Zoldo a Domegge (Domeie), da La Valle Agordina (La Val) a Danta, da Auronzo a Tai, e po Agordo (Agort), Alleghe (Alie), Costalta (Costauta), Cortina (Anpezo) e Vodo Guodo). No mancjin purpūr dōs impuartantis publicazions editadis dal Istitūt in chest 2008: la prime edizion a stampe dal poeme dal miedi Luigi Pagani su “La miniera di Agordo nel 1861” e la tesi di lauree di Johanna Kovįcs sui sufģs nomināi dai dialets ladins centrāi. (red.)

 

Ladins dal Friūl pag. 7   

TAI  PRĀTS  DE  CULTURE  FURLANE

 


 

 

Un libri e une Fondazion par memoreā Siro Angeli

 

Cesclans di Cjavaē - Inte cente de iniziative: “Cesclans tra fede e poesie. Il paīs al torne a vź la sō Plźf e il so poete” - domenie trź di Avost si č davuelte a Cesclans di Cjavaē la rignuvide consacrazion de ricostruide Plźf di San Stiefin, mentri sabide 9, alģ de Ostarie Angeli, simpri a Cesclans, e je stade proponude la cunvigne: “Siro Angeli, un puest sigūr inte leterature nazionāl. Lis creis poesiis zovanīls: gnovis prospetivis interpretativis de sō poesie”. A son intervignūts Nicola Corbelli, Renzo Balzan, Angela Felice e Ermes Dorigo. Propit Dorigo al ą presentāt “Solevento (Poesie 1928-1931). L’incunambolo autografo della sua raccolta”, inedite racolte poetiche zovanīl di Angeli publicade par cure dal stes scritōr tumiezin. Daūr si ą vude la scree de ristruturade cjase di Siro Angeli a Cesclans, che e deventarą la sede de fondazion che e puartarą il so non. Propite di Ermes Dorigo o publichin culģ sot vie lis parts plui significants de sō relazion. (red.)

E je aromai rivade la volte di liberā Siro Angeli (1913/1991) de “scomuniche”, che e ą vūt come prin responsabil Carli Sgorlon, che lu ą criticāt e emargjināt par vź frontāt un teme intrigōs e vźr tal film “Marie Zef”. Che i plasi o che no i plasi ae provinciāl culture furlane, iluminade cumņ, al semee, di un unic soremestri poetic, Angeli al č stāt un dai maiōrs e dai pōcs leterāts dal Nūfcent di valence nazionāl. La metude sł de Fondazion, che e puarte il so non, inte cjase di Cesclans di Cjavaē dulą che al č nassūt e la publicazion di une racolte denant trat scognossude di un pocjis des sōs poesiis al vūl dā il segnāl di cheste inversion di tindince de volontāt di puartā indenant une rivisitazion e rivalutazion di dute la sō opare poetiche.

    La racolte - “Solevento (poesie - 1928/1931)” - e je in efiets un cuadernut componūt di 44 pagjinis, trź vueidis e chźs altris faēadis numeradis a pene dal 1 al 81 cu lis poesiis che a scomencin simpri su la faēade di diestre, come intun vźr libri, che al č chel che il zovin Angeli al voleve costruī cun mieēs artesanāi. La grafie, pūr zovanīl - al scrīf chestis poesiis tra i cuindis e i disevot agns, e je piēule, sigure e vualive, fale che intes ultimis sīs lirichis, dulą che e devente plui grande, un pōc muesse, come se al ves scrit saborāt di une sorte di ansime scjafoiade dentri o come se la poesie non fos plui in podź di judālu a palesā il corot resint pe muart de sō piēule sūr Else.

    In efiets, di cheste tragjiche vicende, da un dolōr vźr, e diven la motivazion ae scriture di chestis poesiis, che a son imbastidis dal sens e de scuvierte violente e crude de Muart, che e determine inte ment un ansiōs stāt psicologjic di soledāt, di isolament, di invieliment denant trat, che lu condizionarą par dute la vite.

    La racolte, che za e palese chźs che a saran po lis costants stilistichis de poesie di Angeli, e met in rilźf, considerade la zovine etāt, un cierte predisposizion par chel che al inten i plusōrs rivocs leteraris che lu diferenziin, e une cierte discontinuitāt inte metriche e inte costruzion tal viers.

  

Cundut achel, cheste primitive scriture poetiche e da di viodi une cognossince cetant slargjade e fonde, de bande dal zovin liric cjargnel, de poesie contemporanie e des tindincis culturāls in at in chei agns: baste pensā al titul, “Solevento”, che al rivoche “Solaria” la innomenade riviste leterarie florentine vignude fūr dome doi agns denant tal 1926.

    Chestis poesiis zovanīls - siet a saran cjapadis dentri inte racolte “Il fiume va” dal 1938 e altris nūf, par un totāl di sedis editis e vincjecinc ineditis, in “Erba tra i sassi” - a son, soredut, impuartantis in se e par se, co a palesin cualitāts singolārs, un unicum, ancje dal pont di viste tecnic e metric, dal dumbli Angeli. Ma la lōr scuvierte e je inmņ di plui impuartante, par vie che e vierē gnovis prospetivis critichis e di comprension de poesie madure dal poete. Di fats o cjatin achģ ciertis costants de cifre stilistiche di Angeli poete: i riferiments ai poetis contemporanis, par esempli Ungaretti, Montale, Saba, i Crepuscolārs.

    Par chel che al inten i viers e lis strofis o cjatin une grande varietāt e libertāt, propit pe diviersis ispirazions che si ą vūt dit denant trat, indulą che in relazion ae rime al palese bielzą chź che e sarą la sō carateristiche di un ūs sclet di jź, dut cās cence altri di efiet e je la creazion di un tiessūt fonic-simbolic e ritmic dal test poetic, pes consonancis e lis assonancis.

    Il traume de scuvierte zovanīl de crude violence de muart e determinarą, cemūt che si ą displeāt, in Angeli un sens di soledāt, di insigurece psicologjiche e inciertece di identitāt par dute la vite, cussģ, par cjatā protezion, sigurece e consens al so poetā lui si sparte, intai agns daspņ, inte “forme sierade”, purpūr sperimentāl e personalmentri declinade, ma istčs simpri sierade come une cjase, chź cjase dal omonim drame, che ti ten al parāt, ma che conserve ancje dutis lis ansimis de infanzie e de adolessence.

    La edizion critiche, dulą che i tescj a son precedūts da un slargjāt saē critic, e je integrade de analisi des variantti ae poesie Elsa, cuntun pocjis di indicazions di analisi testuāl, e dal ricuart de amistāt tra Angeli e il poete Giorgio Caproni, oltri che da un Autoritrat poetic dal stes Angeli.  (ermes dorigo)

  

Ladins dal Friūl pag. 8  

SCRITŌRS  E  LIBRIS IN  MARILENGHE
 

 

Zuan Urban:
 pitōr, poete e scritōr

 

 

Puartā indenant intune la art dal scrivi cu la art de piture e rivā a otignī risultāts interessants in ducj i doi chescj cjamps, no je dabon une cjosse di pōc cont. Epūr un tant i č riessūt a Zuan Urban cundut che lui al sedi, tal sens plui sclet de peraule, un autodidat, un autodidat vźr che, come tancj furlans de sō etāt, al ą vivūt di zovin la esperience no facil de emigrazion.

    A 17 agns, in fats, Urban al lasse Vasinas di Trasāgas, dulą che al jere nassūt tal 1936, par lā a lavorā in France tant che muradōr. A chest  mistīr lu veve preparāt l’Istitūt Tecnic Professionāl di Glemone, che al veve a chei timps professōr cetant preparāts. Daspņ un pōcs di agns di lavōr dabon dūr, a 24 agns al torne chenti par lā a fā il servizi di jeve. Po dopo, in maniere precarie prime e plui indenant vincint un concors, al rive a jentrā a vore intes Feroviis. Milan, Poteibe, Cjargne e finalmentri Glemone: chestis lis tapis de sō cariere che lu ąn viodūt lā in pension cul grāt di Cjāf Gjestion Superiōr.

    Sierade cheste prime parentesi de sō vite, Zuan Urban di tancj agns in ca cun grande passion, al scrīf, al disegne e al piture. Li sōs poesiis e lis sōs contis par furlan a son stadis premiadis in cetancj concors leteraris. Tal 1996, cun grande curiositāt e interčs, al cjape part a un cors par imparā a piturā Iconis. Al fās propis i insegnaments di un soremestri, che si formāt in Russie: l’icograf Paolo Orlando di Dorbedņ dal Lāt e al reste malibiāt al pont di deventāt so arlźf e aiutant dutun in chel. Cussģ i va daūr e cun lui al colabore ae esecuzion dai afrescs inte glesie dal Redentōr di Monfalcon, opare che e ven realizade doprant apont lis tecnichis des Iconis.

    Tal 1999 al č aromai bon di cjaminā dilunc la trate artistiche di bessōl e lis tecnichis imparadis i permetin di frescjā la glesie de Madone de Nźf di Vasinas. Daūr a son vignūts po daspņ altris lavōrs, altris Iconis, che a ąn vūt cetancj preseaments dal public e de critiche intune biele mostre realizade inmņ a Vasinas tal mźs di Avost dal 2001. Darest lis Iconis di Zuan Urban no ąn bisugne di une spiegazion ma pluitost di une contemplazion: a fevelin di bessolis. No son dome oparis di un bon livel ma a son un cualchi cjosse che ti invoie ae spiritualitāt, barcons di lūs viers chel misteri grant, par cierts aspiets incomprensibil, che ducj nō o cirin di cjatai la fate.

    O vin fevelāt denant trat Zuan Urban pitōr, ma ancje poete e scritōr. E propite sun chest cont za fa cualchi mźs, daspņ vź scrit tant, e cjapāt part a concors leteraris cun cetancj bogns risultāts, Zuan al ą vude la sodisfazion di viodi publicadis un mac des sōs plui bielis contis, cjapadis dentri intun libri che no par un cās al ą part titul “L'ingjustri e il colōr”. La opare e je stade publicade par cure de Societāt filologjiche, che cussģ si e ą vūt mūt di sfrancjāsi cun lui par doi lavōrs straordenaris che al ą realizāt, i Lunaris pal 2006 e pal 2008 (di dulą che a son stadis tiradis fūr purpūr lis cuviertinis dai Strolics des stessis anadis). Il prin dedicāt aes glesiis e plźfs logadis dilunc il Tiliment, il secont aes glesiis logadis dilunc la trate dal Lusinē.

    Ma tornin cumņ a contā di Urban scritōr. Naturalmentri al č un scritōr tradizionalist, par stīl di scrivi, par forme e par contignūts. E maravee par esempli la sō memorie storiche, la capacitāt che al ą di displeā aspiets di vite e personaēs di un mont che di un biel pieē nol esist plui, epūr chźs liendis nus ripuartin fats che a son pardabon sucedūts. Il nestri scritōr nol invente, al ripuarte, cuntune braure particolār tal descrivi ambients, personis, atmosferis. Al vignarčs scuasit di dī che al met in vore la tecniche de piture ancje in prose. Inalore di semee di vź dabon denant dai vōi il miedi Menut Reinap, Min e Minin di Dovedis e po Gjildo.

    Il sō discori in prose al cuiste une dimension-ricuart ogni volte che si ferme a contā un cjanton di vite. Il furlan poetic al risint de storie, dal passā da une realtāt contadine a un vivi tal vuź cetant intrigōs, no dal sigūr sot l’aspiet economic, ma ben invezit esistenziāl. Di chest colegament e ven fūr une prose divierse, a voltis uniche. Un biel, e net scrivi, che al cjape la volte al ordenari, al arogant, a un concet  presumūt filosofic-culturāl che al disumane e al nivele dut e ducj. Il furlan di Zuan Urban al č vieri e gnūf dutun in chel. Ma soredut nus puarte un messaē fuart di sapienzie inteletuāl che e vāl plui di ogni grant tesaur.

    L’auguri che o fasin a Zuan Urban al č chel di publicā altris libris sclets, di scrivis inmņ poesiis tant rispietosis, e di piturā bielis Iconis. La critiche fintremai cumņ no i ą rindūt justizie, ma in curt o sin convints che in tancj si incuarzaran di lui e lu presearan pal tant che al merte.

 

La schede: Z. Urban, L’ingjustri e il colōr, ed. Societāt filologjiche furlane, Pordenon 2008, pp.77  .

 

Ladins dal Friūl / Diretōr responsabil : Renzo  Balzan -  Reg. Tribunāl di Tumieē  n. 123  dai 09.03.98  / Redazion : 33020  Tierē di Tumieē - V. Dandolo 16 /tel. 0433/43696 / e-mail:ladinsdalfriul @ tiscalinet.it / F.I.P. (fotocopiāt in propi)  c/o  la  redazion  di Tierē  di Tumieē  (Ud)  pes  Edizions   "CjargneCulture"
Chest zornāl al ven spedīt 'es Bibliotechis, 'es Instituzions Culturāls Ladinis, e a ducj chei che a mąndin la lōr libare contribuzion doprant il C.C. bancjari nr. 19162 dal Banco di Brescia (Filiāl di Tumieē) - Coordinadis bancjariis : ABI 3500-CAB 64320,  opūr  doprant  un  valja  puestāl e intestanlu

a : “LADINS DAL FRIŪL”  C/O  Renzo Balzan,  Strade  Dandolo  n. 16 -  33020    Tierē  di  Tumieē  (Ud)

Realizāt  cul  sostegn  finanziari de Provincie di Udin ai  sens  de L.R. 15/96  art.19   letare B.