 |
Numar
dal mźs |
|
|
Anade ( VIII
) n. 7
Lui 2005 |
LADINS
dal FRIŪL
|
|
|
|
|
Periodic-mensīl di informazion e culture sul
cont de minorance celtiche |
|
dai Ladins de Furlanie.
Edizion
par cure da
l'associazion "CjargneCulture" |
|
|
|
|
|
|
|
|
|
L'Udinźs al puarte il Friūl in Europe
L'ultime domenie di mai in Friūl e jere la
domenie des cantinis daviertis. Come che
davierts a son bielzą i siei confins. Une
domenie di no dismenteā. In chź domenie alģ,
cjalde che che fos stade la canicule de Madone
d'Avost, il Friūl al ą tirāt fūr il miōr
di se stes di meti cun braure in vetrine. Cussģ
tra i cjaliēs, di neri e di blanc, sprofumāts,
al č rivāt ancje un balon di espuartazion, di
Cope dai Campions. Parcč cjossis vignģno
ricuardāts in Italie e tal forest? Pal nestri
bon vin, pal persut di San Denźl, pal formadi de
Mont di Ās e pal frico e i cjarsons de Cjargne.
Po ben di cumņ indenant si visaran di nō ancje
pal Udinźs di Champions League.
Miracul di un grup vuidāt, viōt la
cumbinazion, di un alenadōr che al vīf tra chei
cuei toscans dulą che si prodūs il "chianti",
che al ą savūt "imbutiliā" lis fadiis di trź
campionāts par rivā dulą che, in 109 agns di
storie de societāt di balon furlane, non si jere
mai rivāts. Par chest la gjonde che si respirave
al stadi Friūl daspņ l'1 a 1 cul Milan e veve il
savōr, soāf, di un tai di tocai dai Cuei che ti
va jł vualīf, fint a fā incressi l'umōr e chel
sens di ligrie che ti puarte in paradīs. E dal
stadi la fieste grande si č po travasade tal
centri di Udin, in place Contarene, e po inmņ in
dutis lis placis dal Friūl, di Latisane a Tamau,
e di Cormons a Sacīl.
Intant te memorie di ducj a rivocavin lis
peraulis dal "pari paron" Zuanpauli Pozzo che,
microfon in man, a pene vude la gnove de pate de
Sampadorie a Bologne, al ą ringraziāt la
Furlanie interie e prometūt il massim impegn par
meti adun une scuadre buine di fāsi rispietā e
di fāsi onōr in Europe.
Chź emozion. L'enesime emozion di un daspņ
misdģ penē di episodis, che a van dal goal dal
vantaē marcāt te riprese da Di Michele, al pār -
di no crodi pe zirevolte cetant straneose dal
balon tal cīl dai Riēs - dal Milan a dome cinc
minūts de fin de partide. E po minūts luncs come
setemanis, cu lis orelis tindudis aes radios par
sintī ce che al jere daūr a sucedi a Bologne. |
|
|
In fin il sclop de grande gjonde, des tribunis,
de curve, de scuadre e di Luciano Spalletti,
om sclet e cence nainis. Un salūt tal mieē dal
cjamp, un ae curve, un ai amīs fedźi di simpri.
Po daspņ il rientri tai spoliatoios, passant
sot la tribune centrāl.
Aduncje l'Udinźs al ą puartāt il Friūl in
Europe. La nestre scuadre e je rivade suntune
ribalte di grande innomine, e zuiarą cun
scuadris celebris, si scuintrarą cun
aversariis za presints di lungje date te
mitologjie dal balon. E je jentrade intune
companie dulą che, se no vignaran fūr berdeis
di sorte, al vignarą lassāt fūr fintremai il
Liverpool, che la Champions le ą vinēude
propit batint il Milan. Sigūr, al scugnarą
frontā i turnis preliminārs, nol sarą dabon
facil rivā al tabelon principāl, ma bisugne vź
cūr di provā parcč che dome a chel pont a
podaran divignī dai vantaēs economics
impuartants.
Al va ben l'onōr sportīf, ma a coventin
ancje i bźēs. Pozzo par altri al ą garantīt
che cuistade l'Europe des grandis, nol
svendarą i zuiadōrs plui brāfs de scuadre,
ancje se cualchidun al ves di lā vie, l'Udinźs
al cirarą gnūfs zuiadōrs di almancul avuāl
valōr par onorā degnementri cheste sō prime
presince in Champions League, dal rest lis
amaris esperiencis paididis in Uefa a scugnin
ben siervī di lezion. Al sarčs dabon un pecjāt
butā vie il lavōr di une interie stagjon
cuntune eliminazion denant trat.
Ma intant gjoldintsi cheste grande
sodisfazion. Graciis Udinźs, al č un graciis
che ti ven di ducj i furlans. E cumņ bisugne
continuā a pensā in grant. Daspņ il meretāt
ripōs estīf. Brāfs a ducj e
graciis inmņ di
cūr! (tarvos)
|
|
|
|
|
 |
Ladins dal
Friūl pag. 2 -
DAL TIMĀF A LA LIVENCE
|
|
|
Il troi lunc e intrigōs de autonomie
Dimplan di
Darte - Ai 21 di mai stāt, alģ dal Hotel Gardel
di Dimplan di Darte, si č davuelt il prin
congrčs sul teme Ce Autonomie pa Cjargne,
inmaneāt dal Comitāt pa Provincie da Cjargne.
L'apontament al veve soredut il fin di fā une
verifiche su lis cjossis fatis, e sun chźs di fā,
un an daspņ il referendum dai 21 di marē 2004,
che al veve dineāt ae mont furlane il so dirit a
otignī la propie autonomie.
Fuart di
chel 73% di cjargnei che tal referendum vūt
iniment denant trat al veve votāt sģ ae
autonomie il Comitāt al smire juste apont a
trasformā la Comunitāt di Mont de Cjargne intun
ent di prin nivel cul elezion direte dai propis
rapresentants. La Cjargne e vūl cambiā - al ą
par chest dit il president dal Comitāt, Mario
Gollino, dilunc il congrčs - lu ą declarāt a
fuarte maiorance al referendum cul 73% di vōts a
favōr. O scugnin tignī cont di cheste istance e,
se nol sarą pussibil rimplaēā in curt la
Comunitāt di Mont, o scugnarģn, intune maniere o
ta chź altre, cirī di rivā a otignī l'autonomie
di gjestion. Par rivā a chest risultāt, Gollino
al sugjerģs di doprā lis diviersis oportunitāts:
de riforme des autonomiis locāls cumņ in
discussion, aes votazions provinciāls e
politichis dal an cun ven.
Par chel
che s'inten la riforme - al ą sclarīt - o vģn
dade la nestre disponibilitāt a colaborā cun
chei che a son impegnāts in cheste vore, metint
a disposizion i nestris archivis e l'esperience
madressude in sīs agns di ricercje. O starģn
atents sul cemūt che a laran indenant lis robis
e o tamesarin il compuartament dai oms e dai
partīts tal vignī incuintri aes esigjencis dai
Cjargnei.
Inmņ su lis
votazions Gollino al ą lis ideis claris: O
sintarģn i candidāts a president de Provincie e
o tamesarģn i lōr programs, o domandarģn la lōr
disponibilitāt a acetā lis istancis di chel 73%
e o stimarģn ancje la pussibilitāt di trasmudā
il Comitāt in moviment politic cirint aleancis a
nivel regjonāl cun ducj chei moviments che a
metin l'autonomie di gjestion dal teritori al
centri dai lōr programs. Se no cjatarin un
acuardi a nivel regjonāl lu cirarģn a nivel
provinciāl. Dut cās - al ą inmņ zontāt - o
darģn, al popul de Cjargne, lis informazions
plui slargjadis sul cont dai programs e dai
candidāts in mūt che la votazion e puedi premiā
dome cui che si č impegnāt a puartā indenant lis
ideis e i concets intune cu la volontāt de plui
part dai Cjargnei.
A dī la
veretāt l'idee di une Cjargne autonome no je
gran une novitāt. A part lis esperiencis de
Pro Carnia, dai agns trente tra lis dōs vueris,
de Zone Libare de Cjargne" dal istāt atom 1944,
e de Comunitāt Cjargnele dal 1947, o volģn
memoreā (ancje parcč che o sin stāts
diretementri coinvolts) l'Union Autonomiste
Alpine, associazion politiche-culturāl fondade
a Tumieē tal mźs di marē dal 1995.
L'Union
Autonomiste Alpine e cjapave adun soredut ce che
al jere restāt dai autonomiscj cjargnei daspņ l'esperience
dal Moviment Friūl, che in Cjargne e veve vūt
adesions numerosis, tant di mandā in consei
regjonāl par trź mandāts seguitīfs la cjavacine
Cornelie Pupine. Aduncje chescj autonomiscj a
partivin dal concet che l'autonomie de Cjargne e
de Mont Furlane e veve di cjatā un spazi e
ricognossiment te cente di une regjon Friūl
disseparade di Triest. In plui, cheste entitāt
alpine autonome e veve di imbastī rapuart di
colaborazion e scambis di esperiencis cun chźs
altris regjons e comunitāts dal arc alpin
orientāl, ancje par realizā iniziativis e
progjets di interčs comun. Naturalmentri un
aspiet fondamentāl a vevin ancje la lenghe, la
culture, la storie e lis tradizions de mont
furlane, tant che tal manifest program de Union,
al pont vot, si domandave:
la creazion di un
institūt di pueste pe valorizazion des
particolaritāts storichis, e des tradizions
linguistichis e culturāls de mont. O ben si ą di
favorī la creazion di organisims di
coordenament dai studis e des ricercjis tes
instituzions scolastichis e culturāls che bielzą
a esistin. Une citazion che e veve come
riferiment i istitūts culturāi ladins de Ladinie
dolomitane.
Il manifest
par altri nol dismenteave i fondamentāi aspiets
economics, cussģ tal secont pont si domandave:
il dirit a un svilup economic a misure dal
teritori e des ints che in chest teritori a
vivin e a lavorin. Par chest si varą di valorizā
denant trat lis risorsis locāls e lis
lavorazions tradizionāls. Massim sostegn al va
cussģ dāt ae piēule industrie, artesanāt,
agriculture, turisim e cumierē. Al pont tierē
al vignive frontāt il teme dal dirit pes
comunitāts de mont a un servizi sanitari adeguāt
e valent. Mentri tal cuart pont si veve
iniment il dirit al istruzion, metūt in forsit
tal nestri comprensori dai masse acorpaments e
dal ūs di masse docents precaris obleāts, a dāsi
la volte dibot ogni mźs. Simpri chest manifest
nol dismenteave il dirit a vź stradis siguris",
e la difese dal teritori a traviers une valent
azion di manutenzion idrauliche-forestāl e
tutele ambientāl. In sumis un program di
autonomie complet, che dut cās nol veve rivāt a
otignī i consens che al mertave. Parcč? Parcč
che no jerin i oms juscj par sostignīlu. Parcč
che si meterin cuintri i media (gjornāi, radios
e televisions), i partīts e
fintremai i
sindacāts. E po une opinion publiche aromai
politichementri e culturalmentri sotane, che si
contente di cjatā la fate al propi probleme
personāl, o sei cence plui la sgrimie e la
libertāt inteletuāl dal cjargnel luteran di
une volte.
O
vģn volūt tornā a memoreā dut chest par meti in
vuaite i amīs dal Comitāt pa Provincie da
Cjargne: il troi de autonomie al č lunc e
intrigōs, e par otignī cualchi risultāt concret
si scugne dome tignī dūr cun ustinazion e no
fāsi inceā des impromissions e des lusinghis,
parcč che
media, partīts e sindacāts a son, e
a saran, simpri cuintri! (renzo balzan) |
|
|
|
Friūl : un popul, une tiere, une lenghe! |
|
|
|
|
|
|
|
Ladins dal
Friūl pag. 3 -
|
|
|
|
CRONICHIS DI CHENTI
|
|
San Michźl nol č tornāt inte Patrie Furlane
|
|
San Michźl al Tiliment - San Michźl al Tiliment nol č
tornāt cu la Patrie Furlane. Tal referendum di domenie
29 di mai, che al veve di decidi sul passaē dal comun
di San Michźl de Regjon Venit a chź dal Friūl V.J., ai
partesans furlaniscj dal sģ a son mancjāts 603 vōts.
Lis schedis a pro dal passaē al Friūl a son stadis
4.844, chźs cuintri impen 1.471. Dut cās chest
risultāt nol č bastāt a fā tornā l'acuile furlane di
lą dal Tiliment. Cemūt che e proviōt la leē dai 25 di
mai dal 1970, parcč che chest referendum al fos
considerāt valit, al coventave un numar minim di sģ
no inferiōr ae maiorance dai eletōrs iscrits tes
listis eletorāls dal comun: in chest cās a coventavin
juste apont 5.447 sģ.
Scrutinant il risultāt al ven fūr che a tradī la
Patrie Furlane al č stāt Bibion dulą che il no
racuelt lis percentuāls plui altis. A votā, in fats, a
son lāts 6.353 citadins (il 76,25% al ą votāt pal
sģ, mintri chei pal no a son rivāts al 23,15%) e
il quorum al č stāt superāt dome tes sezions des
frazions di San Zorē e di Vilegnove. Un mecanisim chel
dal quorum che al č stāt daurman contestāt par vie che
un biel numar di iscrits tes listis eletorāls (al č
stāt calcolāt uns dīs par cent) a son a stā tal forest,
e aduncje no ąn podūt votā. Se si fasin ben i conts,
cence chel dīs par cent il referendum al č sarčs
valit.
Naturalmentri
malapaiāt al č restāt Vuelm Ongaro, president dal
Comitāt par tornā cul Friūl. Soredut i zovins no son
lāts a votā, no ąn fat il lōr dovź, e chest mi ą
cetant displasūt - al ą displeāt dibot ingropāt pe
delusion. - Inmņ, rispiet al referendum dal 1991, un
biel pocje di int a Bibion e cambiāt idee. Chest plui
chel ae fin a ąn determināt il risultāt par nō negatīf.
Al merte inmņ sclarīt un particolār curiōs: i
sindacāts, Cgil, Cisl e Uil a ąn fat propagande pal
no, cuintri il Friūl. E inmņ plui curiōs al č che
ancje tal referendum pe istituzion de provincie de
Cjargne e de Alte Furlanie, i sindacāts tricolōrs, a
vevin fat une propagande acanide pal no. In sumis un
scandul ce che si pņ dī, epūr a ąn inmņ coragjo di
vignī a contānus che lōr a stan simpri de bande de
int.
 Cheste
e je la storie di vuź, la storie di une grande
injustizie, parcč che San Michźl e il Mandament di
Puart a jerin, e a restin, tiere de Patrie Furlane,
cedude cuntun at di prepotence a Vignesie de bande dal
Austrie dal doman de fin di Napoleon. Une tiere di
storie, culture e lenghe furlane, che e ą vūt za tal
Cinccent in Zuan Batiste Donato un splendit
interprete. E cumņ plui daprūf di nō in Nelso
Tracanelli (Nelso al č muart tal 2002), che al ą vūt
fat cetant sei cul azion che cul scrit, a favōr de
identitāt comun e soredut pal mantigniment de
marilenghe.
Cundut achel ce che plui nus lasse māl apaiāts al
č il fat che tra lis universitāts dal Friūl V.J. e dal
Venit, Udin e je chź che cjape mancul mancul
finanziaments. Cemūt che o vģn sclarīt denant trat an
passāt il nestri ateneu al ą vūt 61 milions 605 mīl
euros, scuasit 50 milions in mancul rispiet a Triest.
In sumis and č universitāts fīs e universitāts
fiastris, cul nestri zovin ateneu penalizāt in maniere
scandalose che al ven finanziāt cu lis stessis cifaris
di za fa dodis agns. Cuntune difarence dut cās:
rispiet a za fa dodis agns il numar dai docents e dai
ricercjadōrs, dai cors di lauree e des facoltāts al č
dibot dopleāt. I parlamentārs furlans a Rome e je ore
che si fąsin sintī! (mar. no.)
|
|
|
|
Progjets di colaborazion cu la Republiche Ceche
Udin - La cooperazion
internazionāl e je l'alternative plui valide ae
delocalizazion. Integrā lis competencis fra i diviers Paīs,
ricercjant formulis di colaborazion inovativis, al vūl dī
rindi lis aziendis plui competitivis e zovā al svilup
economic des realtāts coinvoltis. Su chest cont la Cjamare
di Cumierē di Udin si č impegnade di un biel pieē in ca e
chest incuintri, parie a altris in program tal atom cu ven,
al č dome une des numerosis iniziativis di colaborazion che
l'Ent cjamerāl furlan al ą inviāt par infuartī la
colaborazion cu la Republiche Ceche.
Lu ą declarāt il
president de Cjamare di cumierē di Udin, Adalbert Valduga,
vierzint i lavōrs di une cunvigne che di resint e ą viodūt
la partecipazion di une delegazion istituzionāl de regjon de
Vysocina, compagnade dal consul onorari Pauli Petiziol. La
gnove frontiere, pe piēule e medie industrie de Furlanie,
cumņ che i fonts struturāi, daspņ il slargjament de Union
europeane, a vignaran indreēāts soredut viers il Centri e
l'Est Europe, e je propit chź di partecipā, come patner, ai
progjets presentāts in chescj Paīs, metint a disposizion il
propi know-how e ricercjant lis pussibilis colaborazions tai
setōrs plui inovatīfs.
Logade intune situazion
cetant favorevul, la Vysocina e pņ fā cont suntune
impuartant tradizion te produzion industriāl de lavorazion
dal len e di chź dal veri. E dispon inmņ di un significant
setōr agricul e di un slargjāt patrimoni boschīf. Ma
interessant al č principalmentri il fat che e ą bielzą
inviāt numerōs progjets indreēāts a strenzi rapuarts di
colaborazion internazionāl che a puedin acedi ai Fonts
struturāi.
Al merte inmņ memoreāt
che la Vysocina e je la regjon de Republiche Ceche cul plui
alt tas di incressite graziis ae posizion gjeografiche e aes
liniis di cooperazion. Rispiet al Friūl, la Vysocina e je
soredut interessade a svilupā rapuarts di colaborazion tai
setōrs relatīfs ae ricercje, il svilup dal industrie come
valōr zontāt, il setōr dal len, il turisim e la culture.
|
|
|
|
|
Ladins dal Friūl pag. 4
|
|
|
 |
CRONICHIS DI CHENTI
Inmņ casse integrazion
pe cjadree
|
|
Manzan - A son stadis ben 43, tai prins cinc mźs
dal 2005, lis aziendis dal triangul de cjadree che
a ąn domandāt la casse integrazion. Il ricors a
cheste sorte di jutori economic al ą bielzą tocjāt
la cifare di 356 setemanis, interessant 640
dipendents, mintri che a son 70 chei in mobilitāt.
I dāts, pandūts dal segretari de Fillea-Cgil di
Udin Viliam Pezzetta, a dan inmņ plui di pinsirā
se si ju met in avuāl cun chei dal passāt 2004, an
sierāt cun 120 licenziaments e un totāl di 469
setemanis di casse integrazion, che a ąn vūt
interessāt 68 aziendis e 1.043 dipendents.
In mancul de mitāt dal 2005, aduncje, si č
rivāts a une cifare di intervents impār a circje
il 70% di chei dal intīr 2004, che al č stāt - al
ą memoreāt Pezzetta - un an cetant dificil pes
aziendis de zone di Manzan. Al merte inmņ sclarīt
che a son stadis soredut lis aziendis artesanis a
fā un marcāt implei dai imprescj di sostegn sociāl
dal Ebiart, che tal 2004 al ą viodūt aumentā di 40
ponts percentuāi, rispiet al 2003, i siei impegns
sun chest cont.
Chel de cjadree - al ą comentāt Pezzetta - al
č un distret che tai agns passāts al č incressūt
intun cuadri di marcjāts sierāts e sfrutant la
svalutazion de lire, che e compensave i problemis
di competitivitāt. Vuź invezit o sin di front a un
marcjāt globalizāt, che ti fās concorince sui
prodots di bas livel, al č l'euro fuart che al
slaife lis espuartazions e lis gruessis realtāts
produtivis a son daūr a delocalizā tal forest une
buine part des lōr produzions.
In chest cuadri, secont il segretari de Fillea,
lis aziendis a ąn fat l'erōr di agjī dome sul cost
dal lavōr, sbassant lis pais, rindint precariis e
flessibilis lis prestazions, imponint oraris cence
plui regulis, no rispietant i dirits sindacāi,
discjariant sui lavoradōrs lis dificoltāts di
caratar finanziari.
Pezzetta, dāts in man, al domande aes aziendis
dal distret un radicāl cambi di politiche
industriāl: Altris a son i fatōrs di tignī in
considerazion par jessi competitīfs. Bisugne
denant trat diviersificā il prodot e rindi variade
la ufierte, che e va slargjade de cjadree ai
complements di furniment de cjase. E inmņ, bisugne
realizā un prodot di cualitāt, bon di vinci la
concorince su lis fassis mediis-altis dal marcjāt
e no cui paīs a bas cost dal lavōr. Par chel che
s'inten po lis piēulis aziendis des subfurnidure,
Pezzetta lis invide a metisi in rźt: Dome cussģ -
al sotlinie - a podaran vź lis risorsis che a
coventin par invistī intal inovazion, su la
ricercje, la formazion dal personāl e la creazion
di rźts comerciāls, vuź a disposizion dome di
pocjis, grandis realtāts.
L'ultin apel il segretari de Fillea lu
indrece viers la Regjon e lis istituzions locāls:
Bisugne premiā e incentivā chei imprenditōrs che
a presentin progjets gnūfs e inovatīfs. Ma al
covente massime un grant progjet di prudźl bon di
coinvolzi lis aziendis, lis istituzions e lis
organizazions di rapresentance dai lavoradōrs:
dome cussģ o podarģn dā un a vignī e une
prospetive di svilup al Distret de cjadree.
Ma e je crisi ancje ae
Rhoss di Codroip
Codroip -
Cuarante dipendents, tra operaris e impiegāts
metūts in casse integrazion de Rhoss di Codroip.
I sindacāts, informāts de situazion di
dificoltāt che e sta traviersant la fabriche, a
ąn frontāt chescj problemis sevi cu la propietāt
sevi cul sindic di Codroip, Vittorino Boem.
Propit in chescj incuintris a ąn vūt la conferme
che te situazion atuāl l'aziende si cjate a vź
uns cuarante dipendents in soreplui. La colpe di
cheste crisi, pe fabriche che e costruģs
cjalderiis e climatizadōr, e divignarčs di une
momentanie slaifade dal marcjāt. Cundut achel no
si pņ scuindi il fat che chescj segnāi di
dificoltāt de Rhoss si son palesāts une
sorprese, parcč che tai ultins mźs si veve
simpri lavorāt ad in plen, tant che l'organic al
jere rivāt a vź tresinte dipendents.
Al lasse inmņ inderedāts ancje il fat che
l'aziende e vebi palesāt cheste crisi sul
scomenēā dal istāt, par vie de cualitāt di
prodots che a vegnin proponūts sul marcjāt, o
sei piēui ventiladōrs e climatizadōrs. Forsit il
moment sfavorevul al podarčs dipendi dal fat che
la produzion di cjalderiis pal riscjaldament
tradizionāl, massime chźs a gasoli, e ą
cognossūt in chescj ultins agns une graduāl
riduzion. Cussģ l'aziende si č indreēade su lis
aparecjaduris di ventilazion e condizionament.
Ma chest, naturalmentri, al sta compuartant une
riorganizazion des liniis di produzion, e
aduncje ancje a une divierse utilizazion dal
personāl.
|
|
|
|
|
|
|
|
|
Ladins dal
Friūl pag. 5 -
|
|
Documents su la "Cuestion
Furlane"
|
|
Che
la Cjargne no vebi di restā
un paradīs pierdūt
No siervin particolārs ricercjis storichis e
nancje viaēs masse luncs ae ricercje di
memoriis pierdudis. Baste lā sł disore de
capitāl mancjade, de Udin in forsit tra
citadine e metropoli e rivā tra lis clevis
de corone di monts che e torcene il Friūl.
Rivāts al bastarą domandā.
A saran in tancj a contāus di une
Cjargne ricje di vite e di vitalitāt, di un
teritori bon di creā la grande culture dal
cooperativisim sul scomenēā dal '900, e inmņ
la Republiche de Zone Libare de Cjargne e la
Comunitāt Cjargnele, model ispiradōr de leē
nazionāl des Comunitāts di Mont. Un teritori,
insome, dulą che tal zīr di pōs agns a
nasserin, a viverin e a muririn personaēs
straordenaris come Fermo Solari, Michźl
Gortani e po inmņ Ervč Lupieri, Romano
Marchetti, Enzo Moro e altris, altris inmņ,
fīs di une tiere che e pareve destinade a
mandā viers il Friūl e il mont intīr
bentropis ideis, di energjie, di spirais
cetant positīfs di gjenialitāt.
Cumņ la Cjargne e tās il so timp passāt.
scuasit lu plate par no pierdi il confront
cuntun presint fat di raris ints e di raris
iniziativis. A dī il vźr une iniziative
impuartante, buine di coinvolzi l'interie
mont furlane e datade a pene 2004, an dulą
che in chest bocon di Friūl si č tornāt a
fevelā par vie di un referendum che al varčs
vūt di conferī al teritori de Alte Furlanie
il titul di Provincie autonome. Titul che la
stesse Alte Furlanie e ą refudāt, si ben
cuntune serie di difarencis che a son stadis
rimarcadis di un pōc di timp in ca dal
Moviment Mont, une sorte di moviment di
opinion che al rivendiche une spacadure
teritoriāl buine di dividi la cussģ clamade
Alte Furlanie in trź spics ben disferenziāts:
il Glemonąs, il Cjanāl dal Fier-Val Cjanāl e
la Cjargne, juste apont.
 Cumņ
si dīs e si scrīf de bande dai associāts a
chest Moviment Mont che in realtāt il 73%
dai votants cjargnei a diserin di sģ ae
instituzion de provincie e che partant
grande injustizie e sarčs permeti che cheste
largje maiorance, se pūr centade tun limitāt
teritori, e vebi di scugnī sotstā ae
volontāt dai abitants dal Glemonąs e de zone
di Tarvis.
Che si disseparin i teritoris, inalore,
che si permeti ae Cjargne un fruēon di
autonomie che i puedi dā ossigjen par
respirā, la sburtade par tornā a partī. E si
dīs inmņ sul manifest programatic di chest
Moviment la strachece di jessi doprāts dome
come mieē di concuiste eletorāl, parcč che
darest ai podźs economics regjonāi ur conven
une perifarie di mont debule e decapitade
sul plan istituzionāl par doprāle come sīt
di servizi e a bon presit, pal turisim, pe
cjace ai foncs, pal plasź di une scampagnade
framieē dal folclōr, se no fintremai par
rigjavā energjie eletriche dai riui, par
infrastruturis che a coventin dome pal
passaē, par oleodots, gasdots, autostradis e
altri inmņ.
Osservazions justis e legjitimis
cundut che no seondin chescj nestris timps
di abatiment di barieris e confins e dulą
che lis piēulis rivendicazions locāls a
semein destinadis a jessi cidinadis. Se dut
cās si vūl pardavźr un Friūl no omologāt,
une regjon buine inmņ di proponisi come
riferiment di une culture no global, capaē
di naturāl gjenialitāt, al covente a ducj i
coscj dā ae Cjargne la pussibilitāt di no
restā dome e par simpri un paradīs pierdūt.
(paolo patui)
(Test tirāt fūr dal Gazzettino dai 31 di mai
2005 e voltāt par cure de redazion)
|
Un politic locāl, forsit za fa trente
agns, al diseve cun vōi displasūts e
scjassant il cjāf a un piēul grup di
amīs: Il probleme de Cjargne al
cjatarą la fate cul dispopolament. No
cun cualchi industrie, cemūt che pūr
si faseve e si fās di altris bandis,
dulą che plui si vose. Cussģ si capģs
la corade denunzie dal plevan di Zui a
fin 1992, scuasit in rispueste
polemiche ae mancjance di intervents
significants: Aromai par me lis
cjossis a son claris: la Cjargne e je
destinade a murī. Colpe di cui? Un pōc
di ducj. Soredut dai politics. O sin
restāts in pōs. Une minorance. Il
nestri destin al sarą chel dai indians,
o deventarin une risierve. E inmņ:
In mont si va indenant cu la
politiche dal dispopolament; no si
jude la int a restā. No si da nissune
motivazion. Forsit (forsit) in pre
Pieri Degan l'amōr al ą sfuarēāt la
peraule. Te stesse pagjine di croniche
un esponent di partīt al nunzie: E
cumņ la rinassite. Tal 1993 al viodarą
la lūs il Progetto Montagna. Bisugne
vź cūr di frontā l'avignī cuntun pocje
di fiducie. Cui che al vīf sperant al
mūr cjantant. Sperā par no disparī.
(Zuanfranc D'Aronco
|
|
|
|
|
|
|
|
Ladins dal
Friūl pag. 6 |
| |
DAI FATS E DE CULTURE
DES TIERIS LADINIS
|
| |
|
Il mitic mont
ladin intal ultin poeme di Zannier
Buie (Friūl) - Za fa
cualchi mźs par cure dal Circul Culturāl Laurenzian, di Buie, al č
stāt publicāt un volum titulāt Fanis, opare dal innomenāt
poete e scritōr furlan pre Domeni Zannier. Chest poeme, in lenghe
ladine furlane, e je l'ultime testemoneance in ordin di timp di une
poesie organiche de bande di Zannier. In chest cās ispirade al mont
de leiende de Ladinie dolomitane, risurīt te ete passade par mert di
Karl Felix Wolff e di altris autōrs e ricercjadōrs ladins e no.
Dut cās al mitic mont ladin
l'autōr si jere za svicināt tal imprin dal so lavōr leterari furlan
in lirichis e tai siei prins doi poemis racolts tal volum I dīs
dai ciclamins. Al merte inmņ sclarīt che, vint studiāt denant
trat in Lombardie, in Ligurie e po inmņ in Lombardie te etāt
comprendude tra i dīs e i vincjedoi agns, al fo dome intant dai cors
dal liceu o gjinasiāi che al podč cognossi lis sōs origjinis
linguistichis, lis carateristichis de sō particolār latinitāt,
partint juste apont dal ladin.
Il sintisi ladin al puartarą
Zannier a scrivi in chel particolār ladin orientāl, che al č il
furlan, ancje lui cetant verglemāt. Si pņ inalore dī che chest so
ultin poeme al č un omaē ricognossint a cui che lu ą indreēāt
viers lis sōs risultivis culturāls. Naturalmentri tornant chenti tal
1952, il contat diret cu la sō tiere al ą inviulāt in Zannier dut il
procčs leterari fintremai achģ svilupāt, cun cetante bravece e alts
risultāts tant di cuistāsi fintremai la candidature par doi agns
seguitīfs, tai 1986 e 1987, al Premi Nobel pe leterature.
Candidature sostignude, al č just sotliniālu, dal Institūt di
filologjie romanze de Universitāt di Salzburg e da chel di
leterature comparade de Universitāt di Innsbruck. Il mīt des Monts
Smavidis (Lis Montes Pąljes par ladin dolomitan) al č avonde
cognossūt, almancul in chel che al č stāt salvāt de pressose
evoluzion dal mont moderni. Fasint opare di poesie, il nestri autōr
al ą tratāt la materie cun creative libertāt, cemūt che si fās cuant
che si trasponin, ma no masse, i romanēs in realizazions di film. In
plui bisugne purpūr zontā il bagai di riflessions e di riclams
storics e etics, culturāi e religjōs cussģ che, daprūf de Ladinie
antighe e di flabe, e je presint ancje chź operant e vivarose dal dģ
di vuź.
Za fa milions e milions di agns,
intun mār tropicāl cjalt e popolāt di straneosis creaturis a
nassevin lis Dolomitis. Daspņ chźs etis primigeniis, si meterin adun
i glaēārs, che a larin man man cuistant gnūfs teritoris dulą che a
passonavin animāi che no son plui, e a comparivin i prins oms a
popolā chź tiere maraveose di bosc, di prāts e di crets. A jerin i
oms dal Paleolitic. In chźs etis, tra lis monts incjantadis che l'om
al scomenēave a logā in forme stabil, a nassevin lis primis leiendis
che de gnot dai timps a son rivadis fintremai a nō, prime di vōs in
vōs, po graziis aes trascrizions dal za vūt iniment Karl Felix Wolff
e di chei altris scritōrs e cjantestoriis ladins.
Propit dal timp dai cjaēadōrs
dal Neolitic a son divignudis lis leiendis dai Fanes e chź di Spine
di Mūl che al possedeve la Raieta, une piere magjiche che Voli de
Gnot, zovin vuerīr de tribł dai Durans, i veve robāt par donāle a
Dolasila, principesse vueriere, fie dal re dai Fanes, in vuere cun
ducj i popui dai contors. Dolasila e jere cetant dolce, principesse
vueriere par brame di podź dal pari, combatint che vinceve dutis lis
batais, travuardade de magjiche piere e des frecis d'arint. Ma
l'ultime bataie, chź scombatude sul Prolongią par cuistā lis
ricjecis de mont Padin, e sarą par jź chź fatāl.
Batūt, il popul dai Fanes al
scugnģ scjampā a parāsi sot tiere tal rein des marmotis e chel re,
che par colpe de sō ingordisie al veve causionāt la muart de fie e
la disparizion dal so popul, lu podźs viodi inmņ vuź dacīs dal pas
dal Falzarego. Alģ in fats si pant la sō figure di piere, che la int
di chei sīt e clame el fausto rego, il re fals, che po al da ancje
il non a chel lūc.
A chestis leiendis aduncje si
inspire l'ultin poeme in lenghe ladine furlane di Domeni Zannier,
che si zove des ilustrazions dal pitōr Otto D'Angelo par dā rilźf e
imagjine al mont dolomitan cjantāt dal poete di Maian. Fanis
al č un viaē tal passāt ae ricercje de essence plui profonde di chź
patrie de anime che si clame Ladinie, zontraviers la
ripropueste di une identitāt origjināl mediade de storie. Une
identitāt riscuvierte che no ven intindude come preminence su altris
identitāts, ma come afermazion gjenerose dai valōrs fondants di un
popul e des sōs radrīs. Par chest, il poete si fās liric istrument
par cjantā la epopee, consegnanle par simpri a l'umanitāt interie.
Di cheste umanitāt mitiche de
Ladinie al cjante Zannier, rivisitant la sō storie ae lūs dal plan
de salvece dal amōr divin, chel che, unic, al riscate par mieē dal
perdon. A traviers di chest plan, il ricuart de memorie nol invide,
cemūt che vuź masse voltis al sucźt, a fā incressi l'asse e il
svindic, ma se amāt e vivūt cun spirt di perdon e comprension, al
permet di recuperā radrīs e storie de umanitāt.
Pardavźr pre Domeni Zannier,
insiemit cun Lois Craffonara, a son i doi personaēs che plui a ąn
dāt, che inmņ vuź a stan dant, cul cont de incressite e dal
infuarciment dai rapuarts interladins. Tancj a fevelin, a fasin
discors e declarazions di biel efiet e di pocje, magari cussģ no,
sostanzie. Lōr a lavorin, a scrivin, a publichin, a dan il cūr e
l'anime pe cause ladine. A ducj i doi aduncje ur va il nestri agrāt
e la nestre grande stime e considerazion. (r.j.)
La schede : D. Zannier,
Fanis , Ed. Edizions Laurenzianis, Buie-Friūl 2004, pp. 41+41.
|
|
| |
|
|
|
|
Ladins dal
Friūl pag. 7
|
|
TAI PRĀTS DE CULTURE FURLANE
|
I
erois dismenteāts di une vuere sbaliade
|
|
|
Doltris di Dimpeē - Ai 24 di mai dal
1915, za fa novante agns, l'Italie e declarave vuere a
l'Austrie, segnant cussģ la sō jentrade te Prime vuere
mondiāl, un conflit che, par chel che al rivuarde l'Italie,
al fo combatūt soredut culģ in Friūl. Lis conseguencis,
pe nestre tiere e pe nestre int, a forin tragjichis.
Miārs di muarts e di ferīts, paīs sdrumāts, fan,
miserie. In sumis une tragjedie grandone, un macili
inutil cemūt che al vč mūt di declarā pape Benedet XV.
Dutis realtāts e conseguencis che la propagande
nazionaliste-framassone taliane e ą simpri cirūt di
dineā e di platā.
Par cirī la veretāt tocje inalore meti de bande
l'informazion risorzimentāl, e cjapā tra lis mans alc
di plui sclet e anticonformist. Come par esempli il
libri Eroi dimenticati? La Grande Guerra in
Carnia attraverso i diari di Oltris d'Ampezzo
(Gaspari Editore - 2004) metūt adun par cure di Libero
Martinis, gjornalist origjinari di Dimpeē, che al č stāt
ancje president de Comunitāt Cjargnele daūr Michźl
Gortani. Tal mźs di otubar dal 1917, daspņ doi agns
vuere, al vignģ il disastri di Cjaurźt. L'imediade
conseguence pe interie popolazion civīl dal Friūl, e fo
une dramatiche alternative: restā o partī, ancje parcč
che la propagande taliane e veve spauride la int. Tal
prin cās al significave paidī lis conseguencis di une
dure ocupazion. Ta chel altri: lassā propit dut e frontā
un avignī penē di incognitis. Risultāt: une fulugne di
int e partģ. Al č stāt calcolāt che a partirin circje
cent e cincuante mīl di lōr a front dal mieē milion di
personis che a restarin chenti. Tra chestis ultimis,
fale cuatri fameis, l'interie comunitāt di Doltris di
Dimpeē. |
|
|
|
I doi diaris che a contin il timp sot
dai todescs, a son opare di Pieri Antoni Benedetti e
di Amelie Burba. Pieri Benedetti, operari autodidat
nassūt tal 1854, cjapāt dentri in acjadiments plui
grancj di lui, invezit di scjampā di Udin, dulą
che al lavorave, viers bonāt, cemūt
che e stave fasint la plui part de int,
comprendūts il vescul Anastasi Rossi e
il sindic Domeni Pecile, al torną sł tal so paīs, a
Doltris. Dilunc un intīr an al vivarą e al contarą la
storie dai restāts. Nomenāt aministradōr civīl dai
todescs ocupants, al cirģ in ogni maniere di fā il ben
de propie comunitāt, ma al restą un grum malapaiāt. In
prionte al paidģ purpūr, de bande dai talians, cuant
che a tornarin, l'acuse di jessi stāt un colaborant
dal nemģ.
Acusis dal
dut falsis.
Leint
lis pagjinis scritis di chest erois dismenteāt, si
rigjave invezit l'impression chel il Benedetti al jere
une persone oneste e responsabil, che cun scrupul si č
impegnāt a jutori di une comunitāt disorientade e
insigure in face al disastri. Si impegną massime sul
plan sanitari; in fats la popolazion de frazion no
podeve fā afidament ni suntun miedi e ni su altri
personāl sanitari. A Doltris in chź volte si inmalarin
di fiere spagnole ben cent e undis personis. Di
chestis a muririn cuatri di lōr. Altri cjapitul
delicāt pal Benedetti a forin i rapuarts cui militārs
austri-ongjarźs, e cui presonīrs rus rivāts cun lōr.
Tant e tant il nestri eroi, al puartą indenant la sō
incarghe cun dedizion, capacitāt e bravure dabon di
laudā.
Il Diari di Amelie Burba, nassude
tal 1896, al cjape dentri 299 pagjinis di cuader. Si
trate di une femine di condizion sempliē. La sō e jere
une famee puare, come che dal rest a jerin puaris
dibot dutis lis fameis di Doltris ta chei timps. Se
il scrivi al consist tal esprimi ce che o sin e o
pensin, la Burba e je rivade a ilustrā biel avuāl la
vicende di vuere cemūt che si davuelzeve tal stret
ambient de famee e dome di rār e slargje l'orizont
oltri i limitāts confins comunāi. Vadč che a chźs
pagjinis a son consegnadis impressions che a puedin
semeā ingjenuis, ma che dal sigūr a rapresentin un
mont che al paidģs un grant drame vivūt, dut cās, cun
coragjo di une int braurose, purpūr in condizions tant
intrigosis e misaris. Ma cheste, naturalmentri, e je
un'altre storie. (von
zercläre)
|
|
|
|
Glemone
īr, vuei e doman: contis pai fruts
Glemone - Il Comun di Glemone
al ą bandīt la IX edizion dal concors leterari in lenghe
furlane Glemone īr, vuei e doman. Il concors si compon di
trź sezions: la prime dedicade a une conte lungje o ben a un
romanē par fruts; la seconde par un lavōr di didatiche dal
insegnament in lenghe furlane intes scuelis de infanzie,
elementārs o mezanis; la tierce, riservade ai fruts des
scuelis elementārs o mezanis, par un lavōr scrit par furlan.
Te prime sezion a son proviodūts trź premis: il prin di 500 ,
il secont di 300 , il tierē di 200 . Ancje te seconde sezion
a son proviodūts trź premis, di 500, 300 e 200 . Simpri trź
premis a son proviodūts purpūr te tierce sezion : di 300, 200
e 100 .
Ducj i tescj des trź
sezions a ąn di jessi inedits e mai premiāts in altris concors.
I tescj des dōs primis sezions a ąn di sei presentāts scrits a
machine, o ben sul computer. Ducj i lavōrs a ąn di sei
presentāts in copie ugnule alģ dal Comun di Glemone, dentri
misdģ dai 27 di otubar 2005.
|
www.donneincarnia.it
- il sīt cjargnel des feminis di Cjargne e di ducj chei
che a intindin difindi l'ambient, la lenghe, la storie,
la culture e lis tradizions di cheste tiere!
|
|
|
|
Ladins dal
Friūl pag. 8
|
SCRITŌRS E
LIBRIS
IN MARILENGHE |
|
Poesiis e Liendis
Sot la Mariane |
 |
|
|
|
|
Tal mźs di zenār stāt
al č vignūt fūr de stamparie di Vigji Cjandet a Reane l'ultin
libri dal diretōr dal nestri gjornāl, Renzo Balzan. Si
trate di une racolte di poesiis e di contis cjapadis
dentri tal titul Poesiis e Liendis sot la Mariane.
Une sorte di continuazion dal fortunāt libri Poesiis
e Liendis de Tiere di Cjargne, vignūt fūr tal 2000
par cure dal editōr Moro di Tumieē.
Di chest libri il
gjornalist e critic leterari Silvano Bertossi, sul
Messaggero Veneto dai 27 di marē stāt, al ą vūt scrit:
La Mariane e je une mont de Cjargne. Par Renzo Balzan e
divente une reson di incuintri par racuei poesiis e par
contā leiendis. Balzan, che al firme i siei scrits ancje
cul pseudonim di Edelweiß, al č un autōr prolific
- almancul cussģ o pensin - al scrīf pagjinis su
pagjinis, lis met tal cassetin e, a un ciert pont, lis
torne a cjapā in man, lis juste e, daspņ une atente
selezion, al publiche part di chestis sōs notis
leterariis, poesiis, leiendis, tradizions, storiis di
vite vivude, storiis sintudis, storiis contadis.
Poesiis e Liendis sot la Mariane al č il titul
dal so ultin lavōr. Dentri vie a nd č cuindis poesiis e
sīs leiendis. Inmņ une volte Renzo Balzan, che simpri
vulintīr al spazie fra la poesie e la conte, al fās
centri, parcč che ancje in chest libri di 89 pagjinis (edizions
Chiandetti) al scrīf in maniere spontanie, sintude, come
se al feveląs cuntune persone che i sta di cuintri a
lui. Te poesie la liricitāt e cjate lis sōs motivazions
, che a son il leisi dentri (Lōr no mi dan padin, Mi
plās pensāti, Sium zovanīl) e il contā la Cjargne
(Cjargne d'unvier, Primevere a Tumieē e Cjargne).
Ogni volte che Balzan nus regale un grap di poesie, il
letōr al č concuistāt da une cierte emozion. Tai scrits
l'autōr al č plui ampli, descritīf e meticolōs tal dā
particolārs che in aparence a semein cence significāt,
ma che impen insignificants no son. Ve La liende di
Grigōr Sclāf, un om ordenari vivūt a Glemone te prime
mitāt dal Cuatricent o La prucission dai
Braulinčis, che si faseve daspņ la racolte dal
forment, dal vin e dal sorturc o inmņ Simon al
cīr la veretāt.
|
|
|
|
Un altri judizi
interessant simpri sun chest libri al č vignūt fūr su la
Vite Catoliche dai 16 di avrīl stāt, cu la firme di Elio
Varutti. Al scrīf juste apont Varutti: La poesie di
Renzo Balzan e je un manifest di estetiche sclete, clare
e cence nainis. Alore si pues capī parcč che il titul de
racolte e je Poesiis e Liendis sot la Mariane.
Meti tal titul la mont di Tumieē nol č dome une sielte
gjeografiche. Culģ si ą di fevelā di apartignince
teritoriāl al ambient scuasit in ogni rie. Cjargne,
Tumieē, Tajament, la Mariane, la tor Picote, Pani, Belen,
ma ancje Clanfurt o la Val carintiane de Gail: chei chi
a son i toponims doprāts. In dutis lis cuindis poesiis
de racolte si pues cjatā alc sul ambient. Al pues jessi
il bosc, la tiere, un peē, la fumate, l'aghe frescje o
il ram di mźl, pal artist a son simpri robis cjargnelis.
Componiments metūts jł cence rime e cence fā sunsūr.
L'afiet pal
teritori al sburte di dentri lis sōs peraulis. Ogni tant
si lei di amōr, di une dumble - le donzele, in antīc
cjargnel - o si fevele di une pueme, tant a dī fantate.
Ogni fantacine tes peraulis di Balzan e je la
sublimazion freudiane dal so amōr pe Cjargne, pal
teritori, pal bosc, pal peē e pal Tajament. Al scrīf
Balzan a pagjine 14: Mi plās pensāti/ tal striament
de taviele,/ tal nasebon des rosis,7 in chest sīt jo e
te, pierdūts,/ sot il ricam des stelis.
La
seconde part dal libri e presente sīs liendis. La prime
e conte di un predi dal popul e di une Predicje in Plźf,
cuintri lis malegraciis dai militārs di Napoleon che a
pratindin di vź ducj i racolts tai lōr cuartīrs. La
seconde e je ambientade e a zire ator di une casere Tai
Plans di Cjampées, presentade dal artist come intai
cuadris dal pitōr Segantini. Daspņ si cjate La liende
di Grigōr Sclāf, un om ordenari vivut a te Glemone dal
Cuatricent. Lis altris liendis a ąn par titul: La
prucission dai Braulinčis, Simon al cīr la veretāt e
Inamorāt di Viole.
|
|
|
La
schede:
R. Balzan
(Edelweiß), Poesiis e Liendis sot la Mariane (Racolte di
poesiis e di contis), Ed. Chiandetti, Reane 2004, pp.89 .
|
|
|
Ladins dal Friūl
/ Diretōr responsabil : Renzo Balzan - Reg. Tribunāl
di Tumieē n. 123 dai 09.03.98 / Redazion :
33020 Tierē di Tumieē - V. Dandolo 16 /tel.
0433/43696 / e-mail:ladinsdalfriul @ tiscalinet.it /
F.I.P. (fotocopiāt in propi) c/o la redazion di
Tierē di Tumieē (Ud) pes Edizions "CjargneCulture"
Chest zornāl al ven spedīt 'es Bibliotechis, 'es
Instituzions Culturāls Ladinis, e a ducj chei che a
mąndin la lōr libare contribuzion doprant il C.C.
bancjari nr. 19162 dal Banco di Brescia (Filiāl di
Tumieē) - Coordinadis bancjariis : ABI 3500-CAB
64320, opūr doprant un valja puestāl e intestanlu
a : LADINS DAL
FRIŪL C/O Renzo Balzan, Strade Dandolo n. 16 -
33020 Tierē di Tumieē (Ud)
|
|
|
|
