Numar  dal mźs
Anade  ( VIII ) n. 8 Avost 2005

                LADINS
                       dal FRIŪL

 

Periodic-mensīl  di  informazion  e culture  sul cont de  minorance celtiche
dai Ladins de Furlanie.  Edizion par cure  da l'associazion "CjargneCulture"

 

 
 

Inmņ terorisim : a Londre come a Madrid
             

    Ai 7 di lui stāt il terorisim islamic al ą batūt il cūr di Londre. Une rieste di atentāts, sucedūts a pocje distance un di chel altri, a ąn devastāt  la metropolitane e fat saltā un autobus. Il belanē al č stāt di uns otante muarts e di plui di mīl ferīts. Vadč che a Londre i č tocjade la stesse tragjiche vicende che i jere bielzą capitade a Madrid ai 11 di marē dal 2004. La grande citāt, moderne, eficient, si č cjatade sturnide, scaturide, ofindude, umiliade.

    Prin i trź sclops si ju ą vūts  tal metrņ, il cuart po suntun autobus, ducj cjamāts di int che e lave a lavorā.  Il riviel di Londre al č stāt un mūr maglāt di sanc. Sanc ros, come che al jere ros l'autobus a doi plans slambrāt de bombe. Il terōr al ą colpīt tal cūr la grande citāt, intune tipiche zornade tra ploie e soreli di chź che e fo la Swinging London e che propite ai 7 di lui si jere sveade, stramudant il sium in realtāt, intune clime di gjonde par vie che su lis spuindis dal Tamigi a tornavin i cinc cerclis e la flame olimpiche. Chel sanc po lavāt vie de ploie al č deventāt un messaē palźs par dut il marimont, nissun nol č plui sigūr in nissun lūc.

    Dut cās l'avīs principāl che al diven di chescj orents atentāts, aromai no puedin jessi dubis di sorte, al jere tai rivuarts de cunvigne dai G8 davierte miercus 5 di lui in Scozie. O imagjinis cun cetant boreē i teroriscj, che te zornade di miercus a prontavin i ultins detais dal lōr plan fūr dal vade, a ąn savūt che propite a Londre a jerin stāts destināts i zucs olimpics dal 2012. Il cās al permeteve ai crimināi di alēā inmņ di plui - se pussibil - il livel dal scuintri, mandant torvits presentiments su chź che e ven considerade la massime forme di convivence e di amistāt planetarie.

    Al jere un messaē zontāt a chel diret viers Edimburc: no ’nd č cunvigne dai potents che e puedi ignorānus, nō teroriscj o sin in cheste ete il sāl de tiere. Fevelait pūr des vuestris floridis economiis o des sperancis pal Afriche, i vźrs antagoniscj intal svilup globāl o sin nō i oms cence inficje. Par chel che s'inten po l'Europe, daspņ il prin dūr colp dāt a Madrid, ve un altri che al rive juste intant che la Ingletiere di Blair e rive ae presidence de Union europeane.

   

 

  Darest l'incuilin dal numar 12 di Downing street al varčs vūt di proviodi - e di fat al proviodeve - che lis fuarcis di Al Qaeda a varessin batūt cence nissun dūl il Paīs che di plui al ą seondāt George Bush te sō disgraciade vuere al Irak. E no cun presincis simbolichis e limitadis, ma cuntun impegn militār che al veve permetūt e al permet inmņ di fevelāt di une operazion denant trat angli-merecane.

   Nissun dai ocupants che a son presints venti jł al pņ sintīsi al sigūr, la leē dal svindic e je bielzą arcade.  Ma dal sigūr la sielte di Londre e je ricje di significāts plui di ogni altre. A scomenēā dal assalt al “tube”, la metropolitane che di simpri e je simbul di grandece tecnologjiche ocidentāl e imperiāl. Il prin bersai colpīt al č stāt, cjale il cās, chel che al puarte ae City.

    Dilunc i plusōrs agns di militance tant che miliardari, Bin Laden al ą sigurementri imparāt che la borse di Londre e trate circje il 33 par cent des transizions finanziariis internazionāls, trź voltis di plui di Wall Street. Che in sumis colpī la Ingletiere tal tacuin, metint in crisi fintremai la sterline, al invie un savoltament che al va a scjassā dutis lis economiis mondiāls. In fin Londre e je il cjāf lūc di ducj i seics e i emirāts corots che la traviersin in Rolls Royce, che a van a comprā  lis lōr marcjanziis alģ di Harrod's e che, soredut, a invistissin i lōr petrodolars propite te City. Ni si pņ dismenteā che Londre e je la metropoli plui plurietniche dal marimont, une citāt che e ą savūt integrā milions di imigrāts, cetancj di chescj musulmans. Chest biel esempli di integrazion naturalmentri al č in contrast cui plans dal fondamentalisim di Al Qaeda, che al vorčs viodi il mont dividūt in dōs grandis centis: une dulą che e slūs la glorie dal Islam e chź altre dulą che al vai il rest dal mont, colpevul di no vź savūt suditāsi ae leē dal Coran. 

    Juste par chestis resons o crodģn che al sedi rivāt il moment che la civiltāt ocidentāl e rispuindi cu la fermece che e covente a cheste disfide che e je deventade aromai mortāl. Vāl a dī che bisugne cirī di recuperā il spirt e la ferbince dal nestri Marc d'Avian, che tal 1683 al fo bon di metisi a cjāf dal eserciti imperiāl par diliberā Viene, e l'Europe interie, de menace islamiche. E nol pņ jessi dabon cās che dutis lis ilustrazions che lu rivuardin, nus al mostrin cul crucifģs in man a fāsi indenant cuintri la fulugne dai otomans indiaulāts. (tarvos)

 

Ladins dal Friūl pag. 2  -                                                      DAL  TIMĀF  A  LA  LIVENCE
 
 


Ma la mont no je une vacje di molzi
 

Tumieē - Dōs notiziis avonde resintis a ąn fat tornā la nestre mont di atualitāt. La prime e rivuarde la proponude realizazion di un eletrodot che di Wurmlach (Austrie) al varčs di rivā jł fintremai a Somplāt, a traviers il Cjanāl di San Pieri (Val Būt). Un eletrodot fat di privāts par vantaēs privāts, mentri i dams ambientāi a saressin di ducj. La seconde e ą par argoment la proponude realizazion di une gnove autostrade par colegā la A23 (Udin - Tarvis) al casel di Damār, cu la A27 a Pian di Vedoia, disore Belun. Ancje in chest cās a son proviodūts grancj dams ambientāi e pōs vantaēs pes popolazions des zonis traviersadis, o sei le alte val dal Tiliment. In sumis la mont, e in chest cās la mont furlane, e je la solite vacje di molzi.

    Provin inalore a fā cualchi riflession. L'innomenāt Fernad Braudel al ą vūt scrit: “Les Alpes sont les Alpes”, vāl a dī une rieste di mont dal dut diviersis di chźs altris dal marimont, buinis di riclamā oms e animāi, di nudrīju, di difindiju. Al č juste par chestis resons che esist une “civiltāt alpine”, cu la sō architeture particolār, cu lis tantis feveladis, tradizions e liendis. Ma il storic francźs vūt iniment denant trat al veve vūt mūt di contemplā lis Alps tai secui passāts. Se lis viodčs vuź, si metarčs dal sigūr lis mans tai cjavźi. Parcč che aromai lis Alps fiscadis e bandonadis, o ben devastadis dai oms, che lis viodin dome come crets e boscs di consumā a traviers il turisim des grandis sdrumis di int, il sfrutaments dal len des selvis, chel des aghis pe produzion di energjie eletriche a bon marcjāt, la viertidure di gjavis di marmul e di piere, la costruzion di funiviis e di implants pe pratiche dal schi.

    Cetant larāje inmņ indenant cheste liende. Cui che al studie chestis cjossis nol piert la volte dal metinus in vuaite sul fat che l'ecosisteme alpin al č une vore delicāt. Par esempli la fuarte riduzion de pratiche la monteā, e disprive la mont des vacjis che a passonin, tignint cussģ biei e netāts i cjampeis di alte cuote. Vuź cheste jerbe cressude fūr di misure, sot la nźf e la ploie e divente une cleve che invoie a fā sbrissā ogni cjosse, l'aghe des montanis,  lis lavinis des neveris e i slacs di teren, cun conseguencis simpri cetant pesantis. Baste memoreā ce che al č sucedūt za fa doi agns in Val Cjanāl.

    Cussģ nol covente jessi sociolics par rindisi cont che vivi in mont al č  une vore plui intrigōs che vivi in planure e in citāt, ancje parcč che, mentri la Glesie, come istituzion, e ą sparniēāt lis monts di Plźf, glesiis e anconis, cul fin di infuartī almancul tal spirt cheste int disvantazade, chźs altris istituzions si son tignudis, pal tant che ur č stāt pussibil, ae largje. Vadč che in chestis zonis dibot ducj i servizis, o sei stradis, scuelis, ospedāi, ufizis de publiche aministrazion, a son di cualitāt plui scjadint rispiet a chei dal plan e de citāt. Par no zontā che ca sł i puescj di lavōr a son simpri in forsit. Viōt i cās des Cjarteris di Mueē e di Tumieē, de De Longhi di Dimpeē, de Seima eletroniche di Tumieē, de Weissenfels di Fusinis, des tantis fabricutis di ocjāi sparidis con la nźf tal soreli di marē. La sume di ducj chescj aspiets negatīfs a ąn naturalmentri produsūt l'efiet di spopolā la mont. Par esempli la Cjargne e sta pierdint aromai tresinte abitants ad an, cence contā chei che dai paīs adalt a vegnin a stā di cjase a Tumieē, a Damār e a Cjavaē, che paīs di mont propit no son.

Chestis no son cjacaris di ostarie, ma dāts di fat. Provait a dā une olmade sun chest cont ae riviste “Res” de Universitāt di Udin (n.12, marē-avrīl 2005). In trź agns, fra il 1997 e il 2000, i terens agricui doprāts te nestre mont e son calāts dal 56%, passant da 55 mīl a 24 mīl etars, e l'abandon al va indenant cul pas di 800 etars ad an. In face a cheste realtāt tant ledrōse, l'Universitāt di Udin, in colaborazion cun Cirmont e Coldiretti e ą presentāt un progjet di leē regjonāl che al ą come smire il prudźl de agriculture tes cussģ clamadis tieris altis. Parcč che, e sun chest pont ducj a son dacuardi, al č de agriculture, e de tutele e conservazion dal teritori, che e pņ partī la rinassite de mont, che no va plui considerade tant che une vacje di molzi. Chei che a progjetin autostradis e eletrodots, e i sorestants politics che ju seondin, che a provin a rifleti un moment su ce che o vģn esponūt denant trat. E se ur vanze cualchi dade di timp, che a vadin a fā cualchi zīr pai sīts di mont de Slovenie, de Austrie e de Svuizare, si rindaran cont ce significāt che a ąn i concets di sostegn e di rispiet de mont. (renzo balzan)

   

    Friūl : un popul, une tiere, une lenghe!
 

Ladins dal Friūl pag. 3  - 
 

CRONICHIS DI CHENTI
 

Eletrodots : a pajā e varčs di jessi inmņ la Cjargne

  

Tumieē - Il passaē dai eletrodots che a varessin di rivā jł de Austrie, sul teritori de Cjargne, al sta produsint, di un pōs di mźs in ca, un vivarōs dibatiment dentri vie des aministrazions locāls e tra l'opinion publiche che si esprimude in maniere negative sul cont de ipotesi di chestis realizazions, intant di un pocjis di manifestazions inviuladis da Comitāts e citadins.

    Ancje i rapresentants des associazions ambientalistis a ąn presentāt lis propiis valutazions, motivant lis resons de lōr contrarietāt denant trat cu la necessitāt che chestis oparis a vebin di jessi valutadis e incuadradis te cente di un istrument di planificazion. Il Plan energjetic regjonāl, che juste apont inmņ nol č stāt predisponūt. La convinte contrarietāt a l'ipotesi dai eletrodots proponūts e cjape la dade po de considerazion dal sproporzionāt impat ambientāl che chestis oparis a compuartaressin sul teritori, a scomenēā dal pont di viste dal paisaē, par colpe des entimis e de largje fasse di disboscament che e varčs di jessi fate dilunc dute la trate, e inmņ pai inevitabii incuinaments eletromagnetics, che a vignaressin a interessā zonis dulą che a son cjasis, zonis sportivis o terens dulą che si č progjetāt di realizā gnovis struturis abitativis o comerciāls, za proviodudis tai plans regoladōrs di un pōs di comuns.

    Darest baste sclarī che lis liniis dai eletrodots a rivaressin insom tal teritori dal comun di Cjavaē, bielzą penalizāt da diviersis servitūts che a divegnin dai oparis infrastruturāls come l'autostrade, par lā a colegāsi te za centrāl Enel di Somplāt, creant no pocjis preocupazions. In conclusion, tignude presint la funzion fondamentāl che al ven a vź l'ambient, te sō integritāt paisagjistiche e biologjiche, tai rivuarts dal svilup des politichis turistichis, che a rapresentin une des principāls pussibilitāts pe Cjargne, cun dut il contor des ativitāts colegadis, e je evident la plene justificazion de nestre contrarietāt a l'ipotesi di realizazion dai eletrodots sui entimis.

    Un “no” che nol pņ jessi considerāt come une decision “iresponsabil”, par vie che nō no saressin gran contrārs al passaē dai eletrodots, se i stes a vignissin considerāts verementri indispensabii ae coletivitāt e se vignissin realizāts metint in vore dutis lis cautelis e lis tecnichis vuź pussibilis, comprendūt il passaē sot tiere. Naturalmentri, al č logjic che la soluzion “sot tiere” e compuarti un aument dai coscj, ma la tutele dal ambient e de salūt publiche lu domandin. Sul cont di chest aspiet dal probleme, fasint riferiment a ce che al ą vūt declarāt l'industriāl Andree Pittini des Ferieris Nord di Osōf, tun articul vignūt fūr su la stampe locāl vinars 6 di mai, dulą che al sosten che la “linie e je stade progjetade cul massim rispiet pal ambient”, al va memoreāt che la linie stesse e proviōt che si vebi di traviersā boscs e prāts di passon di grant valōr naturalistic e che, te part centrāl e viers misdģ de val de Būt, e larą a incrosāsi cun lis plui impuartantis presincis storichis (lis Plźfs di San Pieri e San Florean) che a rapresentin l'aspiet che al caraterize il paisaē.

    L'impression e je che la soluzion puartade indenant des Ferieris Nord e sedi chź che e sigure i coscj plui bas pe aziende e e compuarti lis piźs conseguencis pal teritori. Se cussģ nol fos no si rive a capī parcč che il cavalīr Pittini, simpri te interviste vude iniment, al vebi declarāt di jessi pront a viersā tes cassis dai Comuns traviersāts dal eletrodot “doi miliarts di liris ad an, par dīs agns” come  indenizazion pai dams e lis servitūts che la realizazion di cheste opare e compuarte, e nol vebi impen proviodūt la metude in vore di tecnologjis adatis par ridusi l'impat dal opare. Al č palźs che l'indenizazion e durarą dome tal arc di timp che Pittini al doprarą la linie, par cessā po in maniere definitive la volte che il dut al passarą ae gjestion direte dal gjestōr talian. Nol č pussibil, aduncje, cuintribandā il finanziament a tiermin con un eco-mostri che al durarą par simpri, condizionant in maniere pesante “l'avignī ambientāl”  dai nestris fīs e nevōts.

    Che nus sedi permetūt, inmņ, di judicā fūr dal vade ciertis declarazions dal cavalīr Pittini su la politiche energjetiche e la funzion dai ambientaliscj. Te sostanzie al semearčs di capī che la tutele de salūt e la cualitāt dai sīts dulą che si vīf a saressin, pal innomenāt industriāl di Osōf, argoments di sclagne impuartance. La considerazion pandude ae fin des sōs declarazions, o sei che “ ancje se graduāts tal timp, i vincj miliarts, se ben spindūts, a puedin movi alc in Cjargne. Dal sigūr plui dai Comitāts di proteste…” e merte une ultime repliche. Ancje cuant che la Sade e puartą vie ai cjargnei dutis lis aghis dal Tiliment disore, cu lis conseguencis che ducj, magari cussģ no, a cognossin, vignudis a vuastā il slargjāt teritori de Cjargne di bonāt e centrāl, si disč che lis concessions pal sfrutament idroeletric a jerin indispensabilis pal svilup de zone. Une volte sierāts i cantīrs ancje i operaris che a jerin stāts impegnāts tai lavōrs a forin, te plui part, obleāts a emigrā.

    Di chź volte o vģn imparāt la lezion: o savģn diferenziā tra chel che al zove al progrčs de nestre tiere e chel che al č indreēāt in maniere dibot esclusive a otignī vantaēs particolārs tai timps curts.

(marco marra - president onorari de sezion cjargnele di “Italia  Nostra”)
 

Ladins dal Friūl pag. 4 

 

CRONICHIS DI CHENTI



 

Ancje la Safilo
e piert ocupazion

    Cosean - Si č davuelte a Udin inmņ une cunvigne par dibati i problemis dal grup Safilo. Presints, oltri ai operaris e aes rapresentancis sindacāls, i sindics di Martigną, Cosean, Rocjis e Pricinins (comuns dulą che juste apont a son logāts i stabiliments dal grup) e i dirigjents de stesse Safilo. Al centri de discussion la decision di  sierā i stabiliments di Calalzo (Bl), di Rocjis e Cosean, cu la conseguent metude in mobilitāt di 231 lavoradōrs dome te provincie di Udin. Si tratave dut cās dal ultin di une lungje rieste di incuintris inmaneāts par cirī di sensibilizā lis istituzions provinciāls e regjonāls sul cont des grandis dificoltāts che il grup Safilo al č daūr a traviersā. Incuintris che l'assessōr provinciāl aes ativitāts produtivis, Frabrizi Cigolot, al ą cirūt di prudelā a pene che de bande de aziende a jerin stāts fats cognossi i progjets di ristruturazion.
    “Daspņ vź sensibilizāt la Regjon su cheste crisi, o vģn ancje cirūt di puartāle ae atenzion dai parlamentārs furlans - al ą dite Cigolot -. Daspņ di chestis iniziativis al semee che si vebin vūts dai pas indenant positīfs te soluzion di cheste intrigose vertence. In pratiche, l'aziende vude la disponibilitāt dal guvier ae concession de Casse integrazion straordenarie par 24 mźs, e ą pandūt la sō disponibilitāt a definī une linie comun sul cont de ristruturazion dal grup”.
    De bande sō il vicepresident de Safilo, Giannino Lorenzon, al ą sclarīt cemūt che pe plui part dai lavoradōrs vuź in sore plui al č proviodūt il lōr implei in altris stabiliments de societāt. Trasferiments che par altri i sindacāts a considerin dome une mosse par butā fum tai vōi e vuadagnā timp, parcč che a son masse lontanis lis   sedis   dulą   che  a  saressin   destinadis lis lavoradoris cun contrats part time.
    La Safilo, seconde a nivel mondiāl te produzion di ocjāi, e ą in dut 6.300 dipendents tal marimont. In Furlanie i dipendents a son circje 1.100 impleāts tai stabiliments di Cosean, Martigną, Rocjis e Pricinins, cuntune etāt medie avonde basse, tant di no rindi pussibilis soluzions colegadis al prepensionament. Di achģ e diven la grande preocupazion de bande dai sindacāts sul avignī di un cussģ alt numar  di puescj di lavōr.
    Cetant preocupāts a son naturalmentri ancje i sindics dai comuns diretementri interessats. I sorestants a ąn pandūt la lōr sclete solidarietāt ai lavoradōr, massime a chei dai stabiliments di Roncjis e Cosean che la Safilo e intint sierā daurman. Ma la situazion e je preocupant ancje pal stabiliment di Pricinis, che al podarčs jessi sierāt plui indenant a vantaē di altris fabrichis presints tal Venit.
    “La vicende de Safilo, e je une situazion di dificoltāt dute aziendāl - al ą dite il sindic di Pricinins, Napoli - cun ricjadudis sociāls che l'aministrazion comunāl e scugnarą frontā in curt”. ”Cun pōc si č metūt sł il stabilint presint tal nestri comun - al ą dite il sindic di Cosean Biasutti - e cumņ cun pōc si sta tornant a sierālu, cence tancj rivuarts ni pai operaris che si son simpri impegnāts al massim, e ni par no aministrazion che o vin simpri dade a Safilo la massime colaborazion. Ma al preocupe ancje  il fat che cheste crisi si zonte a altris crisis che a son daūr a interessā diviers stabiliments de Basse furlane, prin fra ducj la Caffaro di Tor di Zuin, e po altris realtāts minōrs, ma no dal sigūr mancul impuartantis sul plan ocupazionāl e dal svilup economic des nestris comunitāts”.      

Corņt par un predi de int furlane

.Udin - Ai 27 di jugn stāt al č muart a Udin, ae etāt di 93 agns, pre Ameli Pinēan, il predi che dilunc la seconde vuere mondiāl, tal 1944, al salvą Masaruelis di Torean de distruzion.

    Al jere il 27 di setembar, a Masaruelis a jerin rivāts i todesc de Ss a cirī partigjans. Prontadis lis metrais in place, denant de canoniche, a menaēarin di brusā il paīs se i partigjans no vignivin fūr e si rindevin. Pre Ameli ur lč in cuintri e al dč la sō peraule che tal paīs nol jere restāt plui nissun partigjan, e  in cambi ur ofrī la sō vite. A memoreā chest fat, a Masaruelis, e je restade une lapide fate meti di popolazion come segn di agrāt di un paīs intīr par chel predi cussģ coragjōs.

    Te sō autobiografie "Memoriis vivis", publicade alģ di Cjandčt tal 1995, pre Pinēan al ą contāt ducj i passaēs plui significants de sō esistence. De prime incarghe come predi, tal 1937, tra lis comunitāts di Porēūs e Clap, par po la a fā il plevan a Masaruelis tal 1940. Nassūt a Rodean dal Bas tal 1912, Pre Ameli al č stāt un di chei che al dč dongje e al puartą indenant, chel document impuartant cognossūt come la "Mozion dai predis", tal 1967. Document che al metč pe prime volte in crisi il strapodź democristian in Friūl. Amģ di Pre Checo Placeran,  di Fausto Schiavi, di Pre Pieri Londar e di Etalrźt Pascul al č stāt par cetancj agns provibiri dal Moviment Friūl.

    Dal 1955 al 1988 al č stāt plevan de parochie dal Sacri Cūr a Udin, par po rientrā come predi volontari a Masaruelis, e tai ultins agns, fintremai che al veve vūt salūt, al ą judāt il plevan dal Sacri Cūr vivint a Udin cun sō sūr. Par pre Ameli, vźr predi de int, cireneo de cause furlane, une preiere e un ricuart che no si distude.   

Ladins dal Friūl pag. 5  - 

Documents su la "Cuestion Furlane"

      La Regjon no tutele lis minorancis dal Friūl
 

Ai 12 di setembar a saran passāts juste trź agns di cuant che il president Ciampi al burive fūr il decret legjislatīf n.233 rivuardant “normis di metude in vore dal Statūt speciāl de Regjon Friūl Vignesie Julie pal trasferiment di funzions sul cont de tutele de lenghe e de culture des minorancis linguistichis storichis de Regjon”. Decret che al pont 2 dal articul I al destine che “la Regjon e proviōt cu lis propiis disposizions legjislativis al esercizi di funzions di coordenament dai compits tribuīts aes instituzions scolastichis autonomis”.

    Un tant pe metude in vore “de dissipline proviodude dal articul 4 de leē statāl n.482/99 sul cont dal ūs de lenghe de minorance te scuele materne e in materie di insegnament de lenghe de minorance tes scuelis elementārs e mezanis di prin grāt”. Il come che al ven daūr, o sei il 3, al proviōt che “i spiete in vie prioritarie ae Regjon l'esercizi di dutis lis funzions aministrativis in rivuart ae  metude in vore des disposizions proviodudis dai articui 9 e 15 de leē n. 482/99 e di ogni altre disposizion colegade ae dissipline dal davuelziment dai compits des aministrazions locāls”.

    La richieste di presentā une propueste di leē cuadri regjonāl, rivuardant in particolār la jentrade tes scuelis des lenghis minoritariis furlane, slovene e todescje (te varietāt locāl dulą che e je presint la comunitāt minoritarie n.d.r.) e fo presentade al assessōr regjonāl ae culture, professōr Antonaz, daurman daspņ che al cuistą l'incarghe ai prins di avost dal 2003. Jal domandą il Comitāt pe metude in vore de leē 482, dulą che si cjatin intune ben 36 clapis culturāls furlanis, slovenis e todescjis de Furlanie di Sore. L'assessōr al rispuindč che chź leē regjonāl e jere indispensabil e che lui al varčs nomenāt in timps curts un grup di lavōr che i presentąs propuestis pe metude jł dal disen di leē regjonāl. Passāt di chź volte un an e no vint inmņ fat nuie, insegnants e maiorents des associazions culturāls a tornarin sun chest proposit cul assessōr e lui al torną a prometi inmņ il so impegn. Campe cjaval… e spiete che al cressi il fen. Nol č inmņ vignūt fūr nuie!

    La metude in vore di chest proviodiment a favōr dai dirits dai citadins che a doprin une lenghe minoritarie e ven cumņ domandade ancje dal gnūf president dal Arlef (Agjenzie regjonāl pe lenghe furlane), Pier Carli Begotti. Juste apont Begotti tal slargjāt e argomentāt intervent publicāt sun chest  gjornāl  ai 4 di jugn stāt, tra lis altris  cjossis,   al  scrīf   che   bisugne   “frontā   la

cuestion de tutele intun cuadri organic e coerent che nol vebi bisugne di rapeēs o ben inviulāt da urgjencis e improvisazions”.

    Ce che fintremai a vuź al č sucedūt, o sei chest mūt di fā tant che i gjambars, de bande dal assessōr Antonaz, de zonte regjonāl e dal president Illy al č di une gravece estreme. No dome parcč che la tutele des minorancis linguistichis, soredut tes scuelis, e je stade domandade volontariementri tes Provinciis di Gurize, Pordenon e Udin de grande maiorance dai gjenitōrs dai arlźfs des scuelis maternis, elementārs e mezanis, mertant aduncje di jessi coordenade in ducj i siei aspiets cu la smire di un insegnament fondāt sul plurilinguisim. Il fat al č che une Regjon a Statūt speciāl come la nestre - che cussģ si cualifiche propit pe presince significant di minorancis linguistichis - no pņ permetisi di no meti in vore lis leēs che a coventin, oltri a meti ordin intune materie che di ben trź agns in ca e je stade trasferide dal Stāt aes propiis competencis.

    Se cheste grivie omission e larą dilunc, o sei se al ves di indurā il disinterčs dal podź regjonāl par imponi al guvier di Rome il rispiet de leē n.482 e des Convenzions europeanis che a proviodin la istituzion di un cjanāl radio-televisīf di pueste in lenghe furlane, al č palźs che in sede di Parlament de republiche, al moment de aprovazion dal gnūf Statūt pe nestre Regjon, plui di cualchidun dai contraris de specialitāt regjonāl ( e a ’nd č dabon tancj!) a podaressin sostignī biel a pueste la inutilitāt di confermā al Friūl Vignesie Julie un statūt speciāl  che po nol ven rispietāt nancje dai nestris sorestants.

    Cheste argomentazion negative e podarčs jessi inmņ di plui infuartide dal fat che la nestre Regjon, cun dut che la leē costituzionāl n.2 dal 1993 i ą concedūt podźs primaris sul cont dal ordenament dai ents locāi, cheste facoltāt  inmņ vuź no si ą vūt cūr di metile in vore pe realizazion de riforme federaliste tant spietade di cui che al vūl finalmentri un implant di guvier no centralizāt, burocratic e pōc eficient come chel che o vģn cumņ. Su chestis cualificants cuestions savarano finalmentri rispuindi, in tiermins positīfs e cun datis ciertis, sul cont dai timps de pussibil metude in vore, il president Illy, i siei assessōrs, i partīts e i stes grups consiliārs de Regjon,  che juste apont a ąn il compit primari dal intervent legjislatīf o tant e tant di prudźl viers l'esecutīf? (arnalt baracźt)

(Test tirāt fūr dal “Messaggero Veneto” dai 11 di jugn 2005, e voltāt par cure de redazion)

Ladins dal Friūl pag. 6  
 

DAI  FATS  E  DE  CULTURE DES  TIERIS  LADINIS
 

Su la cuestion Ladine in Provincie di Belun

   

Cuel S. Luzie (Bl) - O publichin culģ sot vie un interessant intervent sul cont dal “probleme ladin” in Provincie di Belun, dal dr. Nanni Pellegrini, za dean de Union Generela di Ladins dla Dolomites. Il referāt al č stāt tirāt fūr dai ats de cunvigne “Les Poscibeltés dl Ladin”, davuelt a Bulsan ai 26.03.2004 par cure de Consulte pai problemis ladins dal comun cjāf lūc dal Sud Tirōl.

Naturalmentri il test origjināl al č stāt voltāt par ladin-furlan de nestre redazion.

    Su la cuestion Ladine in Provincie di Belun no si ą inmņ dite dut, purpūr in presince di frecuentis, vivarosis e dispčs contraris cjapadis di posizion publicadis de stampe tai ultins timps. Par esempli, no si č mai lāts al font de cuestion, se la politiche metude in vore de Aministrazion di vuź pe tutele des sōs minorancis, in particolār chź ladine, e fos prevident e produtive. E no si č nancje domandāts, se la specificitāt ricognossude ai trź comuns ladins “atesins” di Cortine, Luvināl-lunc e Cuel S. Luzie te delibare dal Consei Provinciāl n. 30/244 dai 27.10.2004 “come aree apartignint aes comunitāts ladinis storichementri insedadis e distacadis dal ēoc origjinari dai Ladins dal Sela” e sedi stade ogjet di une cualchi atenzion de bande de Provincie, o ben no. Cuestions chestis di no pōc cont considerāt che lis votazions pal gnūf Consei Provinciāl a rivin in curt. Ve cemūt che la pense la plui part de int di chestis bandis.

    Al va memoreāt denant trat che il regolament di metude in vore de Leē Cuadri Nazionāl n.482/99  al ą dāt al Consei Provinciāl la facoltāt di centā il teritori dulą che la minorance e je storichementri insedade e dulą che la lenghe ametude a tutele al č il mūt di esprimisi di un numar di personis tāl da justificā la metude in vore di diviersis iniziativis di pupilance e promozion proviodudis de stesse leē. Tal dā pratiche aplicazion a cheste leē l'Aministrazion Provinciāl e prontą e e mandą a ducj i comuns de Alte Provincie un aboē di delibare par declarāsi Ladins. La conseguence e fo che scuasit ducj i comuns de part alte de provincie (35) si son declarāts di minorance Ladine. La cjapade di posizion de bande de Provincie, che al č orghin di Stāt, di prudelā la sō popolazion a declarāsi minorance, al ą burīt fūr seticisim e esitance tai ambients europeans competents (l'EBLUL - l'Ufizi European pes lenghis mancul feveladis, la FUEV - l'Union Federaliste dai Grups Etnics Europeans), pal mūt subitani e cence costrut di cheste gnove delimitazion dal teritori ladin che al lave a cjapā dentri une aree cetant slargjade di culture e tradizions diviersis di chź storichementri ricognossude dai competents orghins internazionāi.

    La stesse Leē Cuadri e proviōt, al Articul 3, la creazion di organisims di coordenament e di propueste cuant che lis minorancis si cjatin sparniēadis su teritoris di provinciis e di regjons diviersis, organisims che i ents locāi a ąn la facoltāt di ricognossi. I trź comuns vūts iniment denant trat a fasin part de Union Generela di Ladins dla Dolomites, associazion culturāl di coordenament che e cjape adun, oltri a chescj, lis vals Ladinis di Fassa, Badie e Gardene. Magari cussģ no cheste associazion no ą vūt insin a vuź l'auspicāt ricognossiment de bande de Provincie di Belun. Un altri aspiet impuartant e dabon incomprensibil, al č che la Provincie no ą mai inviāt un dialic cu la Consulte Ladine dai trź Comuns de part adalt de Provincie, ni, pal tant che si č podūt savź, cu la Regjon che dā fūr i finanziaments pes minorancis. L'idee, prudelade de Provincie, che une minorance ladine presint suntun teritori slargjāt e numerichementri impuartant e sarčs siervide a legjitimā la richieste dal ricognossiment di specificitāt dal teritori Belumat, e creą incomprension e no pōs problemis dentri vie de Federazion te ripartizion dai finanziaments de Regjon, problemis che a finirin par jessi un palźs disvantaē pe Union dai trź Comuns Ladins storics, che a pierderin une part significant dai finanziaments lāts ai “neoladins”.

        Il risultāt plui negatīf de mancjance di dialic al č stāt  che te Provincie di Belun a vignirin metūts sł doi difarents istitūts culturāi Ladins, un de bande de stesse Provincie, chel altri impen de Consulte dai trź comuns Ladins storics di Cortine, Luvināl-lunc e Cuel S. Luzie, cuntune evident straēarie di fonts e un disacuardi che al sarą dificil di vualivā te concezion e gjestion de politiche di tutele des minorancis te stesse Provincie. Chest mancjance di dialic, e ą cundut achel infuartīt la colaborazion dal istitūt culturāl “Cčsa de Jan” di Cuel S. Luzie, istitūt finanziāt in part dai trź comuns stes, cui istitūts culturāi di Badie e Fasse, metint adun in efiets un triangul culturāl interprovinciāl tra lis Provinciis di Belun, Trent e Bulsan.

    No si pņ aduncje afermā che la politiche fintremai a vuź metude un vore de Provincie di Belun sul cont di minorancis Ladinis e sedi stade prevident e produtive, jessint impostade su la cuantitāt e no su la cualitāt dai contignūts e, magari cussģ no, sul oportunisim eletorāl, impen che  suntune serie e sclete politiche di tutele. A son vadč in tancj a augurāsi che l'Aministrazion provinciāl si mendi e no dismentei lis radrīs e lis vicendis storichis dai Ladins dal Sela e che ricognossi alfin i organisims di coordenament interprovinciāi, proviodūts juste apont de Leē.  

 

 

Ladins dal Friūl pag. 7   
 

TAI  PRĀTS  DE  CULTURE  FURLANE

Il Tiepolo tal Palaē Patriarcjāl di Udin
 



 

   

Udin - Un volum rafināt, stampāt une vore ben, par dā la juste impuartance a un’opare impuartant pe culture di Udin e dal Friūl intīr : si trate de monografie “Il Tiepolo tal Palaē Patriarcjāl di Udin” curāt di bonsignōr Zuan Carli Menis cul jutori fondamentāl dal fotograf Zuan D'Affara. L'opare e ven fūr dīs agns daspņ de viertidure al public dai Museus diocesans e in particolār de Galarie dal Tiepolo, tesaur preseōs e assolūt te cente de culture locāl, ma dut cās di valōr european. O publichin culģ sot vie, voltade par furlan, une part significant dal secont cjapitul dal libri, opare naturalmentri de pene di bonsignōr Menis. 

    Al č il Patriarcje Dionisi Delfino (1663-1734) che al clame a Udin tal 1726 il pitōr Gian Battista Tiepolo di  a pene trente agns (al jere nassūt ai 5 di marē 1696) e che al veve di pōc superade la fase sperimentāl de sō ricercje pitoriche. Il zovin artist al lassarą tal Palaē Patriarcjāl la prime opare maestre de sō art magjistrāl.

    Il cicli pitoric realizāt dal Tiepolo te residence dai Patriarcjis di Aquilee al rapresente un event fondamentāl pal so avignī. Bandonāts i modei academics dal so prin maestri Gregorio Lazzarini “dut spirt e fūc”, l'artist si jere svicināt denant trat ae maniere rivoluzionarie dal Bencovich. Ma po, pūr cognossint lis inovazions dai pitōrs contemporanis sicu il Piazzetta, l'Amigoni, il Pellegrini, il Celesti, il Ricci, al jere restāt sedusūt de grande tradizion venite, monumentāl e lusorose, iridissent dai colōrs dal maestri  a lui plui dacīs, Paolo Veronese.

    L'an denant de sō vignude a Udin, il Tiepolo al jere stāt impegnāt te realizazion di un grant afresc sul mūr de glesie dai Scalzi e tal palaē Sandi di Vignesie scuvierzint la sō vene di decoradōr. A son chestis in fats lis oparis che a precedin l'esperience in tiere furlane par analogjie di contignūt e di forme. E alģ al scomence ancje la colaborazion cul cuadraturist di Ferrara Gerolamo Mengozzi Colonna (1688-1766) che po i larą dibot simpri daūr. Rivāt a Udin tai prins mźs dal 1726 il Tiepolo si cjatą parmģs a un progjet iconografic che al leave tra di lōr dutis lis senis dal Palaē Patriarcjāl elaboradis dal Patriarcje Dionisi e dai siei teolics conseīrs, prin fra ducj il Vicjari gjenerāl Francesc Florio.

    Al impār evident, in fats, te sielte e te disposizion des senis biblichis, l'implant teologjic dal teme svilupāt, divignint de tradizion bibliche eclesiastiche che propit in chel timp e marcave un fecont risvei. In cheste otiche i episodis de storie dal Antīc Testament a pandin il messaē di Diu al om e profezie dai acjadiments di salvece realizade di Crist tal Gnūf Testament. La storie di Israźl e divente cussģ profezie de storie de umanitāt  pecjadorie ma redente di Crist e inviade viers l'incuintri cun Diu. Chest al č il grant teme che il Tiepolo al ą di davuelzi cu la valence dal so pinel tal Palaē Patriarcjāl di Udin.

    Il  cicli  al  scomence  tal  cīl  dal salon, al va po indenantte   galarie  dai   ospits  e  al  rive  insom  te  sale rosse.  Alč componūt di 28 episodis (cuatri a son a stuc di Giovanni Maria Andreoli) e da 10 figuris dai ospits e i cuatri Profetis maiōrs te sale rosse.

    Lis trź sedis diviersis de composizion a scandissin lis trź fasis de istorie. Lis primis dōs a son costruidis cun puntuāl aderence al libri de Gjenesi, biel che la tierce e fās libar riferiment al prin Libri dai Rźs e par cuintripont a cuatri tescj paralźi dai libris storics. Cemūt che si pņ osservā, il cicli udinźs al travierse l'intīr Antīc Testament, di dulą che al ritaie cetancj episodis significants, colegāts tra di lōr, come intune splendide sinfonie, di un unic “Leitmotiv”.

    Il Tiepolo al realize denant trat l'afresc dal sufit dal scjale d'onōr de sede patriarcjāl che al da di viodi San Michźl che al pare fūr dal Paradīs i agnui ribei dentri la decorazion a stuc preparade di Abbondio Stanzio.

    In chest cuadri, tumultuōs in maniere sorprendent, l'ereditāt de sperimentazion veneziane e je inmņ presint te urditure senografiche de composizion, te sfuarēadure des soluzions prospetistichis e ilusionistichis che a van fūr pursģ oltri la curnīs, te violence dai clārs e scūrs e te policromie.

    Asprecis formāls che a rindin la sene cetant intrigade. Ad implen libars di chescj frangjents si mostrin invezit i monocromis sometūts cu la conte de Gjenesi dulą che bielzą si vualmin lis components de poesie dal Tiepolo.

    Achģ e je svilupade la prime fase de liende bibliche dal Palaē Patriarcjāl, vāl a dī la storie dal pecjāt che e sta ae origjin de umanitāt. Cemūt che si sa, la Gjenesi o storie des origjinis, e je metude adun di dōs parts: te prime e je contade l'origjin dal mont e de umanitāt (tai cjapitui 1-11) e te seconde l'origjin dal popul elet di Israźl (cjapitui 12-50. La prime e ą par protagonist l'om, Adam, creāt di Diu e colāt te miserie par colpe dal pecjāt; la seconde e ą par protagonist il pari de fede, Abram, ogjet de predilezion di Diu.   
 Il teme, aduncje, de origjin dal om al ven davuelt tal cīl de scjale d'onōr dal Palaē sul jenfrisegn dai prins cjapitui de Gjenesi e in particolār dai cjapitui 2 e 3 che a contin la creazion dai basavons e il lōr pecjāt origjināl. Insume la trascrizion pitoriche dal test biblic de bande dal Tiepolo e je cetant fedźl sei te urdidure compositive sei te secuence cronologjiche.
 

Ladins dal Friūl pag. 8  

SCRITŌRS  E  LIBRIS IN  MARILENGHE



Lis poesiis di Alojz Gradnik ancje par furlan

 

    Di resint par cure de Clape Culturāl Acuilee di Zuan Nazzi Matalon, al č stāt publicāt un librut che al cjape dentri undis poesiis dal innomenāt poete sloven, Alojz Gradnik, voltadis par furlan di Zorē Faggin.

    Alojz Gradnik (nassūt a Medane tal 1882 e muart a Lubiane tal 1967), al č un dai plui grancj poetis de leterature slovene, al jere mieē furlan. Di fat sō mari, Luzie Godeas, e divignive di un paīs dacīs Cormons e e faseve la sartore. Il pari invezit al jere cjaliār. Alojz al frecuentą il prestigjōs K.K. Staatsgymnasium di Gurize. Po daspņ al studią dirit inte universitāt di Viene e s'indotorą tal 1907. La sō cariere di judiē lu puartą a Cormons e po intes citāts di Pole, Rovign, Gradiscje, Monfalcon, Tulmin, Circhine e Gurize. Finide la prime Vuere grande, cuant che l'Italie e ocupą il Litorāl austriac e e tacą a perseguitā i citadins di etnie slovene, Gradnik al fasč la sielte di passā in Jugoslavie. Al fo cussģ a Belgrāt tal Ministeri dai Afārs forescj (1920-22), po judiē tal Tribunāl provinciāl di Lubiane par uns vincj agns (1922-45). In pension tal 1945, al passą te capitāl de Slovenie i ultins vincjedoi agns de sō vite. Cemūt che lui stes al veve destināt, al č stāt sapulīt tal simitieri di Medane.

    La sō vocazion poetiche e fo zovanīl. Tai agns denant de prime Vuere grande al vč mūt di colaborā cui maiōrs periodics leteraris slovens: “Ljubljanski Zvon” (La Cjampane di Lubiane) e  “Slovan” (Il Sclāf). Il grant poete sloven Oton Župančič lu preseave cetant. Dut cās dome tal 1916 Gradnik al publicą la sō prime ricolte di viers: “Padajoče zvezde” (Stelis cjadints), dulą che si cjate ju innomenāts ciclis “Motivi iz Brd” (Motīfs dal Cuei) e “Motivi iz Istre” (Motīfs dal Istrie). I libris di poesie vignūts daūr  a forin: “Večni studenci” (Eternis risultivis), dal 1938 cu lis celebris lirichis “Kmet govori” (Il contadin al fevele); “Zlate lestve” (Scjalis d'aur) dal 1940; “Pesmi o Maji” (I cjants di Maje) e “Pojo čakri” (Il sanc al cjante), ducj i doi dal 1944.

 
 

   

    Te sō vore poetiche Alojz Gradnik al scjavalcje il moviment de Moderna (rapresentāt soredut di Murn, Cankar e Župančič) par vie dal so stīl meditatīf e liric, di une netisie e di un vivōr mediteranis. Diviers a son i siei temis poetics: i paisaēs de sō nassince (il Cuei, cjantāt cuntun amōr infinīt e cun nostalgjie), la vite dai contadins, l'impegn sociāl e politic, l'atenzion pe storie de sō amade Slovenie, une lancurose ansie religjōse, il binomi Eros-Tanatos, vāl a dī Amōr e Muart. Tai viers di Gradnik l'amōr al piert l'aspiet sensuāl de Moderna e al divente un sintiment alt, solen e misteriōs. Se Župančič (cemūt che al ą vūt scrit Goran Kovančič) al rapresente il dģ sflandorōs, auri, soreglāt de poesie slovene, Gradnik al č invezit la sō gnot fonde e segrete, che cu lis sōs gjondis amaris e il  so dolē ingņs nus condūs a l'eternitāt.

    Cemūt che si ą vūt iniment denant trat, la mari dal poete e jere une furlane, e Alojz, fintremai di frut, al capive il furlan e al jere bon di fevelālu. Tai agns che al davuelzč il so lavōr a Cormons (1907-09) il furlan al fo (dongje dal talian) il so lengaē di ogni dģ. Tal numar unic “Sot la mont e sot la nape”, dāt fūr de Societāt filologjiche a l'ocasion dal so congrčs di Cormons (1957), il poete al vč iniment i siei parincj furlans e la ladinitāt cormonese. Cun di plui, te riviste di Lubiane “Naša Sodobost” (La nestre atualitāt), Gradnik al publicą tal 1960 lis sōs traduzions di un cetantis poesiis di Novele Cantarute, Lelo Cjanton e Dino Virgili. 

    Di memoreā infin che cheste publicazion, cjapade dentri te golaine “Classics des leteraduris forestis" editade de Clape Culturāl Acuilee, e je la trentesine-setime di une lungje rieste che e cjape dentri autōrs de innomine Perrault, Moličre, Brecht, Shakespeare, Goethe, Karol Wojtyla, Kafka, Dostoevskij, Cankar, Ionesco, Cechov, Hemingway, Dante e tancj altri inmņ. Il dut, naturalmentri, cence jutoris finanziariis “publics” di sorte.
 

La schede : A. Gradnik, Poesģis (traduzion par furlan di Zorē Faggin), Ed. Clape Culturāl Acuilee, Udin 2005, pp. 31

 La schede: R. Balzan (Edelweiß), Poesiis e Liendis sot la Mariane (Racolte di poesiis e di contis), Ed. Chiandetti, Reane 2004, pp.89 .

Ladins dal Friūl / Diretōr responsabil : Renzo  Balzan -  Reg. Tribunāl di Tumieē  n. 123  dai 09.03.98  / Redazion : 33020  Tierē di Tumieē - V. Dandolo 16 /tel. 0433/43696 / e-mail:ladinsdalfriul @ tiscalinet.it / F.I.P. (fotocopiāt in propi)  c/o  la  redazion  di Tierē  di Tumieē  (Ud)  pes  Edizions   "CjargneCulture"
Chest zornāl al ven spedīt 'es Bibliotechis, 'es Instituzions Culturāls Ladinis, e a ducj chei che a mąndin la lōr libare contribuzion doprant il C.C. bancjari nr. 19162 dal Banco di Brescia (Filiāl di Tumieē) - Coordinadis bancjariis : ABI 3500-CAB 64320,  opūr  doprant  un  valja  puestāl e intestanlu

a : “LADINS DAL FRIŪL”  C/O  Renzo Balzan,  Strade  Dandolo  n. 16 -  33020    Tierē  di  Tumieē  (Ud)